‘युएई नेपाली कामदारको पक्षमा छ’

 पुष ४, २०७५ बुधबार ११:५३:५७ | उज्यालो सहकर्मी

युएई – युएईका मानव संशाधन मन्त्री नाशर बिन थानी जुमा अल हाम्लीले युएई नेपाल र नेपाली कामदारको पक्षमा रहेको बताउनु भएको छ ।  

युएईका लागि कार्यबाहक राजदूत सागरप्रसाद फुयाँलसँग मंगलबार भएको भेटमा मन्त्री थानीले युएईको विकास निर्माणमा नेपाल र नेपालीको ठूलो योगदान रहेको भन्दै आफूहरु सधँै नेपाल र नेपाली कामदारको पक्षमा रहेको बताउनुभएको हो ।

मन्त्री थानीको निमन्त्रणमा आबुधाबीमा भएको भेटवार्तामा युएई र नेपालले आआफ्ना चासोको विषयमा छलफल गरेको नेपाली दूतावास युएईले जनाएको छ । 

नेपालका तर्फबाट कार्यबाहक राजदूत फुयाँलले युएईमा कार्यरत नेपालीका हक अधिकारका विषयमा कुरा उठाउनुभएको थियो ।

पछिल्लो समय नेपाल र मलेसियाबीच श्रम समझदारी भएको र खाडीका अरु देशसँग पनि उस्तै प्रकृतिको समझदारी गर्ने तयारी गरिरहेको बेला भएको भेटवार्तालाई महत्वपूर्ण मानिएको छ ।
 

1 Comments

  • नेमराज गुरुङ्ग

    Dec. 20, 2018, 4:44 a.m.

    नेपालीहरुको वैदेशिक रोजगारीको हकमा नेपाल सरकारले तत्काल गर्नुपर्ने तथा दीर्घकालीन रुपमा गर्नुपर्ने कुराहरु बुदागत रुपमा : #तत्काल_गर्नुपर्ने: - कुनै पनि कारणले बिदेशमा समस्यामा परेका नागरिकहरुलाई दूतावासले जानकारी पाएको हप्तादिन भित्र उद्दार गरि सो घट्ना सम्बन्धित व्यात्ती तथा कंपनी द्वारा पीडितलाई क्षतिपूर्ति भराई पिडक पक्षलाई कार्बाही गर्नु पर्छ । - आफ्नो गल्तिका कारण वा अनावश्यक आरोपमा विभिन्न देशका जेल वा हस्पिटल मा रहेका नागरिकहरुलाई सम्बन्धित देशका सरोकारवालाहरु सग छलफल गरि स्वदेश फिर्ता गर्नुपर्छ । - वैदेशिक रोजगारका लागि विभिन्न देशमा सरकारले सित्तैमा जान सकिने वा १० हजार मात्र तिरेर जान पाईने भने पनि यु ए ई , कतार, साउदी, मलेसिया , .... जान कम्तिमा १ लाख र बढिमा ६/७ लाख सम्म तिर्न बाध्य छन् । त्यसैले एसरी आवश्यक भन्दा बढी पैसा लिएको प्रमाण सहित कसैले बदेशिक रोजगार बिभाग मा जानकारी दिएको १ घण्टा भित्र कारबाही गर्नु पर्दछ । - यदि मेनपावर तथा कन्सल्ट्यन्सीहरुले तत्काल १० हजारमा मान्छे पठाउन नसकिने हो भने सरकार ले लचकता देखाएर काम र कम्पनी हेरेर बढिमा ३०/५० हजार सम्म लिन सक्ने ब्यवस्था राखेर त्यो भन्दा बढी लिएमा त्यस्ता मेनपावर लाई खारेजी सम्मको ब्यवस्था गर्नु पर्दछ । #दिर्घकालिन_योजना: -सरकारले आफ्नो सम्पुर्ण जनतालाई देश भित्रै जागिर वा व्यवसाय दिनु पर्दछ यदि यो सम्भब नभए सरकारी कन्सल्ट्यन्सी मार्फत नै विभिन्न देशहरुमा जोरगारीको लागि निशुल्क पठाउने व्यवस्था मिलाउनु पर्दछ । जस्तोकी फिलिपिन्स सरकार ।

तपाईको प्रतिक्रिया

समाचार

लोकप्रिय

१

‘केयरगिभर’मा उत्तीर्ण भएका सबै नेपाली श्रमिकलाई इजरायलले क्रमशः लैजाने

२

रवि लामिछानेलाई पाेखराबाट काठमाण्डाै ल्याइयाे

३

परराष्ट्रमन्त्री राणा चीन प्रस्थान

४

नेपाली विद्यार्थीका लागि बेलायत असहज बन्दै, काम र कोठाका लागि नै सङ्घर्ष गर्नुपर्ने अवस्था

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई