श्रममन्त्री विष्ट र नेपालका लागि फ्रान्सका राजदूतबीच भेट

पुष ५, २०७५ बिहीबार १८:१४:७ | उज्यालो सहकर्मी

काठमाडौं – नेपालका लागि फ्रन्सका राजदूत एच इ फ्रान्कोइस एक्सवियर लीजरले नेपाल र फ्रन्सबीच भएको द्धिपक्षीय सम्झौताको कार्यान्वयन गर्न जोड दिनुभएको छ ।

बिहीबार श्रम रोजगार तथा सामाजिक सुरक्षा मन्त्री गोकर्ण विष्टसँग भएको भेटमा राजदूत लीजरले द्धिपक्षीय छलफलले दुई देशको सम्बन्धलाई थप मजबुद बनाउने भन्दै फ्रेन्च कम्पनीहरुले नेपालमा प्रत्यक्ष वैदेशिक लगानी भित्रयाउन चाहेको र यसका लागि नेपालको आवश्यकता के हो भन्ने कुरा पहिचान गर्न जरुरी रहेको बताउनुभयो ।

भेटमा श्रम मन्त्री गोकर्ण विष्टले आवश्यकता र औचित्यको आधारमा दुई देशबीच लगानी तथा सहयोगको आदानप्रदान गर्नुपर्ने बताउनुभयो ।

साथै उहाँले दुई देशबीच भएको द्धिपक्षीय सम्झौताको पालनाको सम्वन्धमा नेपाल सरकार जिम्मेवार रहेको बताउँदै रोजगारीका अवसर आदानप्रदान मार्फत दुई देशको हित बढाउन सकिने बताउनुभयो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)