यूएई जाने कामदारसँग ५ लाख रुपैयाँ माग्ने म्यानपावरमा छापा

पुष ८, २०७६ मंगलबार १९:४८:१७ | उज्यालो सहकर्मी

काठमाण्डौ - विदेश जाने कामदारसँग गैरकानुनी रुपमा रकम लिने काठमाण्डौ गोंगबुको आरबी ओभरसिजमा वैदेशिक रोजगार विभागले छापा मारेको छ । वैदेशिक रोजगारमा जाने व्यक्तिबाट ५ लाख रुपैयाँ लिएको उजुरीको आधारमा छापा मारिएको विभागले जनाएको छ ।

यूएईमा सेक्यूरिटी कम्पनीमा रोजगारीका लागि जान लागेका भोजपुरका पासाङ नोर्बु शेर्पासँग अभोरसिजका कर्मचारीले ५ लाख रुपैयाँ मागेका थिए । ५० हजार रुपैयाँ दिइसकेपछि अरु रकम कम गर्न आग्रह गर्दा सबै पैसा नबुझाउँदासम्म श्रम स्वीकृतिको प्रक्रिया नै अघि नबढाएपछि शेर्पाले विभागमा उजुरी दिनुभएको थियो ।

उजुरीपछि विभागको टोलीले छापा मार्दा आरबी ओभरसिजबाट रकमसँगै शेर्पाको लागिसकेको पासपोर्ट पनि बरामद भएको छ । विभागले म्यानपावरबिरुद्ध थप कारबाही अघि बढाएको जनाएको छ ।

सेक्यूरिटी कम्पनीको लागि वैदेशिक रोजगारीमा जाने नेपालीबाट म्यानपावरले ५ लाख रुपैयाँसम्म लिने गरेको भए पनि गुनासोकर्ताले रपर्दो सूचना र प्रमाणसहित सहयोग नगर्दा कारबाही प्रक्रिया अघि बढाउन नसकिएको विभागले जनाएको छ ।

विभागकाअनुसार दुबई पुलिस लगायत थुप्रै सेक्यूरिटी कम्पनीबाट आउने निःशुल्क टिकट र भिसा सहितको मागमा पनि ५ लाख रुपैयाँभन्दा कम तिरेर वैदेशिक रोजगारीमा जान नपाएको गुनासो आउने गरेको छ ।

विभागले हरेक हप्ताजसो स्टिङ्ग अपरेशन गर्दै आएको छ । तर धेरैजसो व्यवसायीहरुले सुरक्षित, सम्मानपूर्ण र शोषणरहित वैदेशिक रोजगार व्यवसाय बनाउनेतर्फ पहलकदमी लिनुभन्दा पनि जसरी भएपनि पैसा कमाउने ध्याउन्नमै लागेको भेटिएको विभागले जनाएको छ।

3 Comments

हरि
Dec. 27, 2019, 7:14 p.m.
यो समाचार मात्र नबनोस बास्तबिकतालाई आवश्यक छानबिन गरि हालसम्म यश मेनपावर बात सुरक्षागार्ड को लागि कति जना बिदेश गयका छन 5 लाख का दरले मात्र हिसाब गर्ने हो भने कति हुन्छ ? भन्नलाई फ्री भन्ने 10 लाख सम्म पनि लियका छन !त्यसैले कर्मकाण्ड र कर्मचारीको कमिसन बढाउने कार्य मात्र नबनि गरिबदुखी पनि बिदेश जाने बाताबरण बनोस् तथा सोझा लाई ठगीमा सम्लग्नलाई कडा भन्दा कडा कारबाही होस ताकी फेरि अर्को मान्छे ठगि गर्न नसकोस!!!!!!!
विक्रम karki
Dec. 24, 2019, 8:14 p.m.
मेरो पनि dubai को meddle east compony मा भिसा लागेर sharm स्वीकृति पनि bhayo तर भिसा र पासपोर्ट मा जन्म दिन फरक भयो र काम रोकियो मलाइ पनि 5 लाख magyo पैसदिन नसकेर जान पाइन अब भनम के गरु।।।
Indra magar
Dec. 24, 2019, 8 p.m.
याे RB overseas ले धेरै रकम लुटिसकेकाे छ ।यसले UAE काे जुनसुकै security company काे लागि ४ देखि ५ लाख रकम असुलेकाे छ मेराे साथीले पनि ५ लाख तिरेर गएकाे हाे केे गर्नु बाध्यता हामी नेपालीहरूकाे

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

यूएई जाने कामदारसँग ५ लाख रुपैयाँ माग्ने म्यानपावरमा छापा

3 Comments

हरि

विक्रम karki

Indra magar

तपाईको प्रतिक्रिया