साउदीले अनिश्चितकालका लागि रोक्यो हवाई उडानसहित अन्य सेवाहरु

 चैत १७, २०७६ सोमबार ११:३०:५८ | उज्यालो सहकर्मी

काठमाण्डौ – कोरोना सङ्क्रमितको संख्या बढेपछि साउदीले अनिश्चितकालका लागि अन्तराष्ट्रिय उडानसँगै निजी र सार्वजनिक सेवाहरु बन्द गरेको छ । कोरोना रोकथामका लागि यसअघि दुई हप्ताका लागि सरकारी र निजी कार्यालयहरुका सबै हवाईसेवा, बस, रेल लगायतका सेवा बन्द गरेको थियो ।

तर आइतबार सङ्क्रमित र मृत्यु हुनेको संख्या पनि बढेपछि साउदीले अनिश्चितकालका लागि बन्द गरेको अरब न्युजले खबर लेखेको छ । रियाद, मक्का र मदिनामा स्थानीय समय अनुसार दिउँसोको तीन बजेदेखि नै कर्फ्यु जारी गरिएको छ भने यी सहर लकडाउन पनि छन् ।

एक सहरबाट अर्को सहरमा आउन जान पनि रोक लगाइएको छ । आइतबार ९६ जना नयाँ सङ्क्रमितको सँख्या थपिएको र उनीहरुमध्ये २८ जना यात्राका कारण र ६८ जनामा पुराना सङ्क्रमितसँगको सम्पर्कका कारण भएको साउदीको स्वास्थ्य मन्त्रालयले जनाएको छ ।

खाडीका अरु देशको तुलनामा साउदीमा कोरोना सङ्क्रमतिको सँख्या बढी भए पनि अहिलेसम्म नेपाली श्रमिक सुरक्षित रहेको साउदीमा रहेको नेपाली दूतावासले जनाएको छ ।

1 Comments

  • प्रभु सिंह रानाभाट

    March 30, 2020, 11:38 a.m.

    हाम्रो देश मा पनि अनिश्चित कालीन हवाई सेवा रोकिनु पर्छ। बिशेष गरी बिदेश बाट आउने जहाज लाई रोक लगाउन जरूरी छ नत्र हाम्रो देश रहन्न।

तपाईको प्रतिक्रिया

समाचार

लोकप्रिय

१

‘केयरगिभर’मा उत्तीर्ण भएका सबै नेपाली श्रमिकलाई इजरायलले क्रमशः लैजाने

२

रवि लामिछानेलाई पाेखराबाट काठमाण्डाै ल्याइयाे

३

परराष्ट्रमन्त्री राणा चीन प्रस्थान

४

दक्षिण कोरियामा एक शताब्दीपछिकै बाक्लो हिमपात, तीन जनाको ज्यान गयो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई