मध्यपूर्व तथा खाडी देशका नेपाली राजदूतहरुको एक महिनाको तलब राहत कोषमा

चैत २९, २०७६ शनिबार २०:१:१८ | उमाकान्त पाण्डे

यूएई - मध्यपूर्व तथा खाडी देशमा खटिएका नेपाली राजदूतहरुले आफ्नो एक महिना बापतको तलब राहत कोषमा जम्मा गर्ने भएका छन् । सरकारले स्थापना गरेको कोरोना भाइरस सङ्क्रमण रोकथाम, नियन्त्रण तथा उपचार कोषमा राजदूतहरुले आफ्नो एक महिनाको तलब दिने घोषणा गरेका हुन् ।

इजरायल, इजिप्ट, ओमान, कतार, कुवेत, पाकिस्तान, बहराइन, यूएई र साउदी अरबमा खटिएका ९ राजदूतहरुले शनिबार आफूहरुको एक महिना बापतको तलब योगदान गर्ने संयुक्त निर्णय गरेका यूएईका लागि नेपाली राजदूत कृष्णप्रसाद ढकालले उज्यालोलाई जानकारी दिनुभयो ।

इजरायलका लागि नेपाली राजदूत डा. अन्जान शाक्य, इजिप्टका लागि झविन्द्रप्रशाद अर्याल, ओमानका लागि शर्मिला पराजुली ढकाल, कतारका लागि नारदनाथ भारद्वज, कुवेतका लागि दुर्गाप्रसाद भण्डारी, र पाकिस्तानका लागि सेवा लम्साल, बहराइनका लागि नेपाली राजदूत पदम सुन्दास, यूएईका लागि कृष्ण प्रसाद ढकाल र साउदी अरबका लागि महेन्द्रप्रसाद सिंह राजपुतले एक महिनाको तलब राहत कोषमा दिने निर्णय गरेका हुन् ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

1 Comments

Bikash Bhattarai
April 11, 2020, 8:26 p.m.
हामी युएईको शारजहामा ३० जना एक महिनादेखि अलपत्र परेर बसिरहेको छौं / हाम्रो नेपाल फर्कने व्यवस्था नेपाल दुतावासले गर्छ कि कसले गर्ने हो कि हामी यतै मर्नु पर्ने हो ?? पोष्ट गरेर केहि हुन्छ भने गरिदिनुहोला, हामी उद्दारको पर्खाइमा बसेका छौं हजुर / we need back to Nepal .

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

मध्यपूर्व तथा खाडी देशका नेपाली राजदूतहरुको एक महिनाको तलब राहत कोषमा

1 Comments

Bikash Bhattarai

तपाईको प्रतिक्रिया