यूएईबाट स्वदेश फर्कन चाहने नेपाली १० हजारभन्दा धेरै

 वैशाख ४, २०७७ बिहीबार १३:४५:२३ | उमाकान्त पाण्डे

यूएई – यूएईबाट १० हजारभन्दा धेरै नेपाली स्वदेश फर्कन चाहेका छन् । कोरोनाका कारण समस्या परेको भन्दै १० हजारभन्दा धेरै नेपालीले यूएईमा रहेको नेपाली दूतावास र गैरआवासीय नेपाली संघ एनआरएनएमा फारम भरेका हुन् ।

एनआरएनएले गएको हप्तादेखि कोरोनाका कारण समस्यामा परेर नेपाल फर्कन चाहने नेपालीको तथ्याँक संकलन गरेको थियो । समस्यामा परेका नेपालीले यूएईमा रहेको नेपाली दूतावास र यहाँ रहेको गैरआवासीय नेपाली संघ एनआरएनमा समेत फारम भरेका थिए ।

एनआरएनले अनलाइनमार्फत आह्वान गरेको आवेदन फारममा बिहीबारसम्म झण्डै ५ हजार ४ सयभन्दा धेरैले फारम भरेको एनआरएन यूएईका उपाध्यक्ष नरेश सेनले उज्यालोलाई जानकारी दिनुभयो ।

त्यस्तै ५ हजारभन्दा धेरैले यो अवधीमा नेपाली दूतावास आबुधाबीमा सम्पर्क गरेर नेपाल फर्कन चाहेको बताएका छन् । दूतावास आबुधावीको वेवसाइटमा आफैंले विवरण दर्ता गराएको र टेलिफोनमार्फत पनि आफ्नो विवरण टिपाएको दूतावासले जनाएको छ ।

सरकारले निर्देशन नगरेकाले दूतावास आफैंले फारम नखुलाए पनि सम्पर्क गरेर सोध्ने बुझ्ने धेरै रहेको दूतावासकी प्रवक्ता तथा उप नियोग प्रमुख रीता धितालले बताउनुभयो ।

एनआरएनए यूएईले यहाँका सातैवटा राज्यमा बस्ने नेपालीका लागि अनलाईन फारम सङ्कलन सुरु गरेको थियो । आबुधाबीबाट २४.१ प्रतिशत, दुबईबाट सबैभन्दा धेरै ५७.१ प्रतिशत र सारजाहबाट ९ प्रतिशत नेपालीले स्वदेश फर्कनको लागि अनलाइन आवेदन भरेका छन् ।

बाँकी ७ प्रतिशत भने अरु राज्यबाट रहेको एनआरएनले जनाएको छ ।

धेरै जसो श्रमिक बेतलबी बिदामा

त्यस्तै एनआरएन यूएईको अध्यनअनुसार झण्डै ३५ प्रतिशत श्रमिक बेतलबी बिदामा रहेको देखाएको छ । नेपाली श्रमिकको विवरण संङ्कलनसँगै गरेको अध्ययनले ३४.८ प्रतिशत श्रमिक बेतलबी बिदामा बसेको, १९.६ प्रतिशतको आवासीय भिसा रद्द भएको, १०.९ प्रतिशतको भिजिटको समयअवधि सकिएर यूएईमै बसिरहेको र २५.५ प्रतिशत नेपालीले हाल अहिले पनि काम गरिरहेकाहरुले स्वदेश फर्कन चाहेका छन् ।

घर फर्कनका लागि फारम भर्नेहरुमध्ये ८४.५ प्रतिशतले कोरोना परीक्षण नगरेको उल्लेख गरेका छन् भने परीक्षण गरेकामध्ये ९५.८ प्रतिशतले सङक्रमण नभएको विवरणमा उल्लेख गरेका छन् ।

 

यूएईमा एनआरएनले खाना अभावमा समस्यामा परेका नेपालीहरुलाई राहत विरतण गर्ने तथा विभिन्न क्षेत्रमा रहेका नेपालीहरुको घरदैलोमा पुगेर विवरण सङ्कलन गरिरहेको छ । दुबई प्रहरी तथा स्थानीय निकायसँगको सहकार्यमा काम भैरहेको एनआरए यूएईका अध्यक्ष प्रकाश कोइरालाले बताउनुभयो ।

यूएईमा २ लाख ७५ हजार नेपाली श्रमिक कार्यररत रहेको तथ्याँक छ ।

अनलाइन फारम भर्न यहाँ क्लिक गर्नुहाेस्

 

 

 
 
सम्बन्धित समाचार

 

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ। 

1 Comments

  • Dipac Poudel

    April 24, 2020, 1:13 a.m.

    My visa finished FEB 28 but i get cancelation pepper March 2 .in cancellation pepper mention before 29 March i have to leave the country. I already bought ticket march 25th suddenly nepal airport close . I bought ticket Nepal Airlines . Not refund also

तपाईको प्रतिक्रिया

समाचार

लोकप्रिय

१

‘केयरगिभर’मा उत्तीर्ण भएका सबै नेपाली श्रमिकलाई इजरायलले क्रमशः लैजाने

२

रवि लामिछानेलाई पाेखराबाट काठमाण्डाै ल्याइयाे

३

दक्षिण कोरियामा एक शताब्दीपछिकै बाक्लो हिमपात, तीन जनाको ज्यान गयो

४

परराष्ट्रमन्त्री राणा चीन प्रस्थान

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई