मलेसियामा रहेको नेपाली दूतावासले सेवा सुरु गर्‍याे, भोलिदेखि दूतावासबाटै पासपोर्ट लगायतका काम गर्न मिल्ने

 वैशाख ३०, २०७७ मंगलबार १५:२०:५९ | उज्यालो सहकर्मी

काठमाण्डौ – मलेसियामा रहेको नेपाली दूतावासले लकडाउनको बेला बन्द भएका केही सेवा बुधबारदेखि सुरु गर्ने भएको छ । 

दूतावासका अनुसार राहदानी नवीकरण तथा हराएको राहदानीको सट्टा नयाँ राहदानी बनाउनुपर्ने भएमा दूतावासमा गएर निवेदन दिन सकिने छ । राहदानी बनाउन जाँदा पुरानो राहदानी, नागरिकताको सक्कल प्रति, राहदानी हराएको हकमा पुरानो राहदानीको फोटोकपी लैजान दूतावासको अनुरोध छ । राहदानी नवीकरण गर्न मलेसियन रिंगिट २१० र हराएको भएमा ४२० रिंगिट शुल्क लाग्ने छ । 

यस्तै तयार भइसकेको राहदानी पनि दूतावासबाट लिन सकिनेछ । राहदानी लिन जाँदा अनिवार्य रुपमा नागरिकता र बिल साथमा ल्याउनुपर्ने दूतावासले जनाएको छ ।

अति आवश्यक भएकाहरुलाई दूतावासले यात्रा अनुमतिपत्र पनि प्रदान गर्ने भएको छ । यसको लागि दूतावासको फोन नम्बर ०३–२०२०१८९८ वा ०३–२०२०१८९९ नम्बरमा फोन गरी नेपाली वा अंग्रेजी भाषा छनौट गर्न र एक्स्टेन्सन नम्बर २ मा फोन गरेर अग्रिमरुपमा समय लिन दूतावासको आग्रह छ ।

समय लिइसकेपछि यात्रा अनुमति पत्र बनाउनको लागि हराएको राहदानीको फोटोकपी, नेपाली नागरिकताको फोटोकपी र रिंगिट १६० शुल्क लाग्ने दूतावासले जनाएको छ ।

दूतावासले जनाए अनुसार मलेसियामा लकडाउन अवधिभर कामदार डिमाण्ड प्रमाणिकरणको काम भने हुने छैन ।

दूतावासमा जाँदा अनिवार्य मास्क लगाउन दूतावासको अनुरोध छ । साथै यसबारे कुनै थप जानकारी लिनुपरेमा वा अतिआवश्यक सेवा लिनुपर्ने भएमा बिहान १० बजेदेखि साँझ ५ बजेसम्म माथि दिइएका फोन नम्बरमा सम्पर्क गर्न सकिने दूतावासले जनाएको छ ।

जुनसुकै समयमा फोन गर्नको लागि दूतावासको हटलाइन नम्बर ०१६–२४७२७७७ मा सम्पर्क गर्न सकिने छ ।

मलेसिया सरकारले कोभिड १९ को रोकथाम गर्न १८ मार्चदेखि लागू गरेको आवागमन नियन्त्रण आदेश ९एमसीओ०लाई खुकुलो पार्दै यसको समयावधि जुन ९ तारिखसम्म थपेको छ ।

याे पनि पढ्नुहाेस्

 

1 Comments

  • Lila dhar gurung

    June 15, 2020, 7:51 a.m.

    मेरो पासपोर्ट छैन, तर म घर जान चाहन्छु , मैले के गर्नुपर्छ ??

तपाईको प्रतिक्रिया

समाचार

लोकप्रिय

१

‘केयरगिभर’मा उत्तीर्ण भएका सबै नेपाली श्रमिकलाई इजरायलले क्रमशः लैजाने

२

रवि लामिछानेलाई पाेखराबाट काठमाण्डाै ल्याइयाे

३

दक्षिण कोरियामा एक शताब्दीपछिकै बाक्लो हिमपात, तीन जनाको ज्यान गयो

४

परराष्ट्रमन्त्री राणा चीन प्रस्थान

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई