बुधबार कुवेत, यूएई र अस्ट्रेलियाबाट समस्यामा परेका नेपाली ल्याउने निर्णय

 जेठ २७, २०७७ मंगलबार १६:४०:५१ | उज्यालो सहकर्मी
unn.prixa.net

काठमाण्डौ – विदेशमा समस्या भोगेका नेपालीलाई घर फर्काउने सरकारको निर्णयअनुसार बुधबार यूएई, कुवेत र अस्ट्रेलियाबाट नेपाली आउने भएका छन् ।

कोभिड १९ क्राइसिस म्यानेजमेण्ट कमिटी (सीसीएमसी)ले बुधबार कुवेत, यूएई र अस्ट्रेलियाबाट समस्यामा परेका नेपालीलाई ल्याउने निर्णय गरेको हो । अस्ट्रेलियाबाट ११ जना नेपाली आउने निश्चित भए पनि कुवेत र यूएईबाट कति र को को आउने भन्नेबारे छलफल भइरहेको छ ।

दुई देशबाट फर्काइने नेपालीको सूचीबारे भने टुङ्गो लाग्न बाँकी रहेको छ । कुवेतबाट एक र यूएईबाट एक जहाज नेपाली लिएर आउनेछन् । यूएईमा रहेको नेपाली दूतावासले ४१० जनाको सूची पठाए पनि त्यसमा केही तलमाथि हुन सक्नेछ ।

कुवेतबाट भने आममाफीमा सहभागी भएका नेपालीको स्वदेश फिर्तीलाई पहिलो प्राथमिकतामा राखिएको छ । उनीहरुलाई कुवेत सरकारले नै कोरोना जाँचसहित आफ्नै जहाजमार्फत निःशुल्क विमानस्थलसम्म ल्याइदिने कुवेतमा रहेको नेपाली दूतवासले जनाएको छ । दूतावासले २ हजार ९१ जनाको सूची परराष्ट्रमा पठाएको छ । त्यही सूची परराष्ट्रले सीसीएमसीलाई उपलब्ध गराएको छ ।

यूएईबाट घर फर्कने इच्छासहित त्यहाँ रहेको नेपाली दूतावासमा १८ हजारभन्दा धेरैले आफ्नो विवरण टिपाएका छन् भने कुवेतबाट आममाफीमा सहभागी भएकासहित गरेर पाँच हजारदेखि ८ हजारसम्म हुनसक्ने त्यहाँ रहेको नेपाली दूतावासको अनुमान छ । विभिन्न ३० देशमा रहेका नेपाली दूतावासले तत्काल नेपाल फर्काउन पर्ने २४ हजार १४८ जनाको सूची परराष्ट्र मन्त्रालयलाई उपलब्ध गराएका छन् ।

4 Comments

  • Bhuwan nepali

    June 10, 2020, 6:03 p.m.

    सरकार म भूवन नेपाली ...४ महिना भयो , लकडाउन शुरु भएदेखि नै मसंग रुम छैन ..नेपाल फर्कने आशमा यहिँ नै ज्यान जाला जस्तो छ / २० भन्दा बढी इमेल,प्रक्रिया अनि प्रतिक्रिया राखें/ तर कुनै रेस्पोन्स आएन / कहिले वाटोमा ..कहिले कसैको घरको छतमा सुत्नुपरेको छ , त्यसैले कृपया उद्दार गरिदिनुपर्यो सरकार 0552762476

  • बिबस राइ

    June 10, 2020, 12:25 a.m.

    मेरो नाम बिबस राई मेरो गुनासो भनेको जहिले पनि लाने मात्र भन्छ कहिले लाने हो कम्पनिमा काम नभएकोले ३ महिना भयो काम नगरीकन कम्पनीले बसलेको खानामा समस्या भएको ले छिटोछिटो उद्दार गरियोस सरकार

  • प्रेम बहादुर कार्की

    June 9, 2020, 10:53 p.m.

    म हाल UAE दुबै को सोनापुर भन्ने थाउमा मा छु , मेरो कारार अवधी सकिएको बिगत 12/1/2020 (बार तरिक,जनवरी ,दुई हजार बीस ) मा हो । तर अहिले सम्म कम्पनिले घर नपठाएको ले म पाँच महिना देखि अत्यन्तै पीडित भइ रोम मा बसेको छु, त्यसकारण नेपाल सरकारलाई मेरो बिनम्र अनुरोध छ मलाई उद्दार गरिदिनु हुन अपिल गर्दछु। मेरो सम्पर्क नम्बर 971 = 0569140237 हाल दुबै सोनापुर ।।।

  • Madhu sudan Karki

    June 9, 2020, 6:55 p.m.

    हामी मलेसियामा अलपत्र परेकाहरुको सुनुवाई कहिले र कसले गर्ने हो ?? कम्पनीले निकालेको छ, भएको पिअसा सकिसक्यो ...खान धौ धौ छ ..के हामी नेपाले होइनौ र कसैले वास्ता नगरेको ?? दुतावासमा आफ्नो डाटा पठाइसक्यो/ हामीलाई कम्पनीले निकालेको नि १ महिना भैसक्यो ...हामी ९३ जना नेपाली अलपत्र छौं / हाम्रो कम्पनी petaling jaya को airfoil services हो / कम्पनीले टिकट किनिदिन्छु भनेको छ / नेपाल सरकारको गैर जिम्मेवारी र निर्णय नहुँदा हाम्रो बेहाल भएको छ / न टिकटको अत्तोपत्तो छ न कोभिद १९ को चेकजांच भको छ ..प्लिज हाम्रो कुरा पनि सुनिदिन पर्यो /

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

३

एनपीएलको विजेताले एक करोड ११ लाख रुपैयाँ पुरस्कार पाउने

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई