यूएईबाट पाँच उडानमार्फत नेपाली स्वदेश फर्कंदै, आजै साउदीमा पनि नेपाली लिन जहाज जाँदै

साउन १, २०७७ बिहीबार ८:१८:१८ | उज्यालो सहकर्मी

काठमाण्डौ – आज एकै दिन यूएईबाट मात्रै पाँच उडानमार्फत नेपाली स्वदेश फर्कने भएका छन् ।

आज यूएईको दुबई राज्यबाट नेपाल एअरलाइन्सका दुई जहाजमार्फत नेपाली स्वदेश स्वदेश फर्कंदै छन् । दुबईबाट नेपाली लिएर आएको नेपाल एअरलाइन्सको एउटा जहाज केही बेरअघि विमानस्थलमा अवतरण गरेको छ भने आबुधाबीबाट आएको हिमालय एअरलान्सको जहाज पनि विमानस्थलमा अवतरण गरेको छ ।

आबुधाबीबाटै हिमालय एअरलाइन्सको अर्को जहाज पनि त्यहाँ समस्यामा रहेका नेपाली लिएर आउँदैछ । फ्लाई दुबईले यूएईको सारजहाबाट नेपाली लिएर आउनेछ ।

आज हङ्कङबाट पनि नेपाली स्वदेश फर्कंदै छन् । आजै नेपाल एअरलाइन्स र हिमालय एअरलाइन्सका पाँच जहाज साउदी जाँदैछन् । नेपाल एअरलाइन्सका दुई जहाज साउदीको रियाद र दमाम जाँदैछन् भने हिमालय एअरलाइन्सका दुई जहाज दमाम र एक जहाज रियादमा नेपाली लिन जाँदैछन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)