अक्टोबर १ देखि ओमान –काठमाण्डौ नियमित उडान हुने, अहिलेसम्म ११७८ जना स्वदेश फर्किए

असोज ९, २०७७ शुक्रबार १६:१०:८ | उज्यालो सहकर्मी

काठमाण्डौ – आउँदो अक्टोबर १ देखि ओमान र नेपालबीच नियमित उडान हुने भएको छ ।

आउँदो अक्टोबर १ देखि ओमानको अन्तर्राष्ट्रिय विमानस्थल खुल्ने ओमानको सर्वोच्च समितिको निर्णयसँगै त्यही दिनमा ओमान र नेपालबीच नियमित उडान सुरु हुने ओमानमा रहेको नेपाली दूतावासले जनाएको छ ।

अक्टोबर १ देखि नियमित उडान सुरु भएपछि पीसीआर लगायतको स्वास्थ्य सम्बन्धी आवश्यक मापदण्ड पूरा गरी सहज रूपमा नेपाल ओमान आउजाउ गर्न सकिनेछ । कोरोना महामारीका कारण अन्तर्राष्ट्रिय उडान बन्द हुँदा ओमानबाट नेपाल फर्कन पर्ने नेपालीहरु चार्टर्ड उडानमार्फत आइरहेका छन् ।

अहिलेसम्म ओमानको सलाम एअरमार्फत सात वटा चार्टर्ड उडानबाट ११ सय ७८ जना स्वदेश फर्किएका छन् ।

ओमानमार्फत पहिलेदेखि नै सलाम एअरले सस्तोमा नेपालीहरुको स्वदेश फिर्तीमा चार्टर्ड उडान भरिरहेको छ । फर्कने सबै यात्रुले पीसीआर परीक्षण गरेर नै फर्किएको ओमानमा रहेको नेपाली दूतावासले जनाएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)