कतारमा कामको खोजीमा हुनुहुन्छ ? अनलाइनमार्फत आवेदन दिनुहोस्

 असोज १४, २०७७ बुधबार १५:१९:२१ | उज्यालो सहकर्मी
unn.prixa.net

काठमाण्डौ – कतारमा तपाईँको रोजगारी गुमेको छ ? भिसा वा करार सकिएको छ, तर तपाईँ यो महामारीको समयमा घर फर्कनुभन्दा पनि कतारमै काम गर्न चाहानुहुन्छ ?

यदि त्यसो हो भने तपाईँलाई यो महामारी कतारमा फेरि जागिर पाउने अवसर बन्न सक्छ ।

कतारले पछिल्लो समय श्रम कानुनमा सुधार गर्दै पुनः रोजगारीको अवसर प्राप्त गर्ने अवसर दिएको छ । तपाईँले चाहेमा पहिलो रोजगारदाताको अनुमति बिना नै अर्को काम खोजेर वैधानिक हिसाबमा नै गर्न पाउनुहुन्छ । महामारीको समयमा कतारले नयाँ श्रमिकको भर्तीमा भन्दा पनि कतारमै रहेका श्रमिकलाई पुनः कामको अवसर दिने खालका कार्यक्रमहरु पनि ल्याएको छ ।

करार अवधि सकिएको छ, जागिर गुमाउनु परेको छ भने तपाईँले फेरि कामका लागि आवेदन दिन सक्नु हुन्छ । कतारको प्रशासनिक विकास, श्रम तथा सामाजिक मामिला मन्त्रालयले कतारमा तत्काल बेरोजगार भई कामको खोजीमा रहेका र विशेष गरी अदक्ष र अर्धदक्ष श्रमिकहरुलाई लक्षित गर्दै कार्यक्रम अघि सारेको छ ।

त्यसैले तपाईँले कतारमा जागिर गुमाउनुभएको छ र कतारमै फेरि पनि काम खोजिरहनुभएको छ भने त्यस्ता श्रमिकका लागि गैरआवासीय नेपाली संघ कतारले समन्वय गर्ने जनाएको छ । एनआरएनए कतारले त्यसका लागि अनलाइन आवेदन पनि खुलाएको छ ।

तपाईँले आवेदन भरेर आफ्नो विवरण उपलब्ध गराउन सक्नुहुन्छ । आवेदन दिनेहरुलाई काममा लगाउनका लागि समन्वय गरिदिने पनि एनआरएनएले उल्लेख गरेको छ ।

फारम भर्न यहाँ क्लिक गर्नुहाेस्

1 Comments

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

२

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

३

एनपीएलको विजेताले एक करोड ११ लाख रुपैयाँ पुरस्कार पाउने

४

चक्रवाती आँधी फेङ्गल आज तमिलनाडु–पुडुचेरीको तटमा बज्रने

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई