ओमानमा 'गैरकानुनी' भएका नेपालीलाई जरिवाना नतिरेरै घर फर्किन पाउने अवधि थप

पुष २३, २०७७ बिहीबार १३:०:१ | उज्यालो सहकर्मी

काठमाण्डौ – ओमानमा अलेखबद्ध (गैरकानुनी) भएका नेपाली श्रमिकलाई घर फर्किने अवधि थप गरिएको छ ।

योभन्दा पहिले ओमानको श्रम मन्त्रालयले नोभेम्बर १५ देखि डिसेम्बर ३१ सम्मको लागि अलेखबद्ध नेपालीलाई जरिवाना नतिरेरै आफ्नै खर्चमा घर फर्किन पाउने निर्णय गरेको थियो । यो समयमा धेरै नेपाली घर फर्किसकेका र बाँकी रहेकाहरुले पनि आगामी मार्च महिनाभित्र जरिवाना नलाग्ने ओमानमा रहेको नेपाली दूतावासले जनाएको छ ।

दूतावासले कामदार अनुमति पत्र तथा भिसाको म्याद सकिएर ओमानमा अलेखबद्ध भएका नेपाली श्रमिकलाई दूतावासमा सम्पर्क गर्न आग्रह गरेको छ । यदि कसैको राहदानीको म्याद सकिएर ट्राभल डकुमेन्ट बनाउनुपरेमा पनि दूतावासका श्रम सहचारी दिनेश ढकाललाई ७१५९२५०६ नम्बरमा सम्पर्क गर्न दूतावासले आग्रह गरेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)