वैदेशिक रोजगारी : पालिकाबाटै आर्थिक सहायताका लागि निवेदन, बोर्डले पठायो ३ सयभन्दा धेरैको खातामा रकम

 जेठ ७, २०७८ शुक्रबार १०:५३:४० | उज्यालो सहकर्मी
unn.prixa.net

काठमाण्डौ – वैदेशिक रोजगार बोर्डले प्रदान गर्ने आर्थिक सहायताका लागि सम्बन्धित पालिकाबाटै निवेदन आउन थालेको छ ।

आर्थिक सहायताका लागि आफ्नो पालिकाबाटै निवेदन दिन मिल्ने व्यवस्था भएसँगै गएको एक वर्षमा तीन सयभन्दा बढी व्यक्तिको बैंक खातामा नै आर्थिक सहायता पठाइएको वैदेशिक रोजगार बोर्डले जनाएको छ । 

त्यसअघि आर्थिक सहायता लिन वैदेशिक रोजगार बोर्डको सचिवालयमा आफैँ आउन पर्ने अवस्था थियो । तर पछिल्लो समय बोर्डले प्रदान गर्ने सेवाहरू अनलाइन प्रणालीमा गएपछि पालिकाबाटै आवश्यक कागजातसहित निवेदनहरू आउन थालेका छन् । गएको एक वर्षमा भौतिक रूपमा सेवाग्राही बोलाएर आर्थिक सहायता चेकमार्फत दिइएको छैन । 

हिजोआज त कतिपय व्यक्तिहरूले सबै कागजात मिलाएर आफैँले इमेलमार्फत पनि बोर्डमा निवेदन पठाउन थालेको बोर्डका कार्यकारी निर्देशक राजन प्रसाद श्रेष्ठले बताउनुभयो । 

‘पालिकाबाट र व्यक्ती आफैँले पठाउनुभएका निवेदन र कागजात हामी चेक गर्छौँ र त्यसलाई भेरिफाइ गरेर पाउने आर्थिक सहायता सम्बन्धित व्यक्तिको बैंक खातामा नै पठाउँछौँ,’ कार्यकारी निर्देशक श्रेष्ठले भन्नुभयो,‘गएको एक वर्षमा हामीले तीन सय भन्दा धेरैले सेवाग्राहीको खातामा नै रकम पठाएका छौं, उहाँहरूले कुनै झन्झटबिना घरमै बसिबसी आर्थिक सहायता पाइरहनुभएको छ ।’ 

अहिले कोरोना सङ्क्रमण नियन्त्रणका लागि देशका धेरैजसो जिल्लामा निषेधाज्ञा लगाइएको छ । निषेधाज्ञाको कारण अहिले बोर्डले भौतिक रूपमा उपस्थित भएर प्रदान गर्ने सेवा बन्द गरेको छ । तर अनलाइनमार्फत आर्थिक सहायता प्रदान गरिरहेको छ ।

बोर्डबाट पाइने आर्थिक सहायता र अनलाइनमार्फत निवेदन दिने प्रक्रियाबारे थप जानकारीका लागि वैदेशिक रोजगार बोर्डमा रहेको श्रम कल सेन्टरमा ११४१ नम्बरमा फोन गरेर थप जानकारी लिन सकिन्छ ।

1 Comments

  • Babin sunar

    May 21, 2021, 10:08 p.m.

    नमस्कार ,तपाइँको ११४१ मा मैले फोन गर्दा नम्वर मिलेन मात्र भन्छ , फोन नै लाग्दैन , किन होला ?? तपाईहरुसंग कुरा गर्नुपर्ने छ , कसरी सम्पर्क गर्न सकिन्छ होला ??

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

चितवन राइनोजका समर्थकलाई निःशुल्क बस र खाजाको व्यवस्था

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई