इजरायल रोजगारी : यसअघि आवेदन दिएकालाई विवरण रुजु गर्न र विवरण नभेटिए नयाँ दर्ता गर्न आग्रह

 साउन १९, २०७८ मंगलबार १६:३८:१५ | उज्यालो सहकर्मी
unn.prixa.net

काठमाण्डौ – इजरायल रोजगारीका १८ गते बिहानसम्म निवेदन दिएकाहरूले पुनः आफ्नो विवरण रुजु गर्नु पर्ने भएको छ ।

इजरायल रोजगारीका लागि अनलाइनमार्फत आवेदन दिने प्रणालीमा समस्या आएको र अहिले समस्या समाधान भए पनि समस्या सुरु हुनुभन्दा अघि दर्ता भएका विवरणहरू रिकभर नभएको भन्दै विभागले पुन ः विवरण रुजु गर्न निवेदकलाई अनुरोध गरेको हो । 

हिजो सोमबार बिहान १ बजेदेखि इजरायलको रोजगारीको लागि आवेदन दिने अनलाइन प्रणालीमा समस्या आएको थियो । जसका कारण निवेदन दिने प्रक्रिया नै अवरुद्ध भएको थियो । यो समस्या अहिले समाधान भएको छ ।

तर यो समस्या आउनुभन्दा अघि सम्म दर्ता भएका विवरण प्राविधिक कारणले रिकभर गर्न नसकिएको भन्दै विभागले आफ्नो यूजर आइडी(राहदानी नम्बर) र पासवर्डको प्रयोग गरी आफ्नो विवरणहरू रुजु गर्न तथा विवरण नभेटिएमा फेरि नयाँ दर्ता गर्न भनेको छ । साथै नयाँ दर्ता गर्दा प्राप्त हुने रजिस्ट्रेसन नम्बर नै निवेदकको रजिस्ट्रेसन नम्बर कायम हुने जानकारी पनि विभागले दिएको छ । 

1 Comments

  • Binod

    Aug. 3, 2021, 10 p.m.

    निवेदन दिने अन्तिम मिति कहिलेसम्म हो ?

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

३

एनपीएलको विजेताले एक करोड ११ लाख रुपैयाँ पुरस्कार पाउने

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई