वैदेशिक रोजगारीमा जान चाहनेको लागि निःशुल्क सीप तालिम सञ्चालन हुँदै

 माघ २१, २०७८ शुक्रबार १२:२२:३४ | उज्यालो सहकर्मी
unn.prixa.net

काठमाण्डौ – वैदेशिक रोजगारीमा जान चाहनेहरुको लागि निःशुल्क सीप तालिम सञ्चालन हुन गइरहेको छ । सुरक्षित आप्रवासन परियोजना सामीले वैदेशिक रोजगारीमा जान चाहने महिला र पुरुष दुवैको लागि खानबस्न सहित निःशुल्क सीपमूलक तालिम सञ्चालन गर्न लागेको हो ।

पुरुषहरुले इण्डष्ट्रियल इलेक्ट्रिशियन, मेसन, शटरिङ कार्पेन्ट्रि, स्काफोल्डिङ, स्टील फिक्सर, पाइप फिटर, अब्रेसिभ ब्लास्ट तथा स्प्रे पेन्टिङ, प्लम्बिङ र किचेन हेल्परको तालिम लिन सक्नेछन् । यस्तै महिलाको लागि गार्मेन्ट मेसिन अपरेटर र हाउस किपिङ/क्लिनरको तालिम दिन लागिएको हो । पुरुषहरुको लागि तालिम काठमाण्डौ, झापा, बुटवल, जनकपुर र पोखराबाट सञ्चालन गरिने सामीले जनाएको छ । यस्तै महिलाको लागि तोकिएको हाउस किपिङ/क्लिनरको तालिम पोखरा तथा गार्मेन्ट मेसिन अपरेटरको तालिम काठमाण्डौमा सञ्चालन हुने छ ।

तालिम लिनको लागि पासपोर्ट र नागरिकता पेस गर्नुपर्छ । उमेर पुरुषको हकमा १९ पुगेर ३५ वर्ष नकटेको र महिलाको हकमा उमेरहद हाउस किपिङ/क्लिनरको लागि १९ देखि ३५ वर्ष र गार्मेन्ट मेसिन अपरेटरको लागि १९ देखि ३० वर्ष रहेको छ । यस्तै शैक्षिक योग्यता पेशा अनुसार सामान्यदेखि दश कक्षा उत्तीर्ण तोकेको छ । तालिमको लागि चाहिने सेफ्टी सु (कन्स्ट्रक्शन सम्बन्धि तालिम लिनेहरूका लागि मात्र) र मेडिकल जाँचको खर्च आफैले बेहोर्नुपर्ने हुन्छ । 

सामीले विभिन्न समयमा सीपमूलक तालिम दिँदै आएको छ । यस चरणको तालिमअन्तर्गत केही तालिम माघ २० गतेदेखि सुरु भइसकेका छन् भने केही सुरु हुने क्रममा छन् । तालिममा भर्ना हुन चाहनेले ९८४०२४८०३४ मा सम्पर्क गरेर आफ्ना सिट सुरक्षित गर्न सामीले आग्रह गरेको छ ।


1 Comments

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई