एक हप्तामा सामाजिक सुरक्षा कोषबाट ८० जना योगदानकर्ताले लिए झण्डै २ करोड विशेष सापटी

भदौ ८, २०७९ बुधबार १६:१२:३५ | उज्यालो सहकर्मी

काठमाण्डौ – गएको एक हप्तामा सामाजिक सुरक्षा कोषमा रकम जम्मा गर्ने ८० जना योगदानकर्ताले विशेष सापटी लिएका छन् ।

कोषले विशेष सापटी प्रदान गर्न थालेको एक हप्तामा ८० जना योगदानकर्ताले झण्डै २ करोड रुपैयाँ बराबर सापटी लिएको कोषका सूचना अधिकारी डा. रोशन कोजूले जानकारी दिनुभयो । सामाजिक सुरक्षा कोषले लगातार ३६ महिना योगदान गरेका योगदानकर्तालाई भदौं १ गतेदेखि विशेष सापटी दिन थालेको हो ।

योगदानकर्ताले कोषबाट जम्मा बचतको ८० प्रतिशतसम्म विशेष सापटी लिन सक्छन् । योगदानकर्ता सापटी निर्देशिका, २०७९ मा कोषमा सूचीकृत भएर ३६ महिना योगदान गरेका योगदानकर्ताले सापटी र कर्जा सुविधा लिन सक्ने व्यवस्था छ ।

निर्देशिकाअनुसार योगदानकर्ताले नयाँ घर निर्माण गर्न, आफ्नो स्वामित्वमा रहेको घरमा तला थप्न तथा मर्मत गर्न, संयुक्त आवासमा युनिट खरिद गर्न र घर खरिद गर्न ऋण पाउनेछन् ।

योगदानकर्ता वा उसको पति, पत्नी, छोरा वा छोरीलाई स्वदेश वा विदेशका शैक्षिक संस्थामा उच्च शिक्षा अध्ययन प्रयोजनका लागि अधिकतम ३५ लाखसम्म ऋण कोषले दिने छ ।

योगदानकर्ताले सामाजिक कार्यका लागि सामाजिक कार्य सापटी लिन सक्छन् । योगदानकर्ताको अवकाश कोष योजनामा जम्मा भएको रकमको अधिकतम ८० प्रतिशत ऋण उपलब्ध हुनेछ ।

कोषमा नियमित ३६ महिनासम्म योगदान रकम जम्मा गरेकाहरूले सामाजिक सुरक्षा मोबाइल एपबाटै सापटीका लागि आवेदन दिन सक्नेछन् । गएको हप्ताबाट सामाजिक सुरक्षा कोषले मोबाइल एप्लिकेसन पनि सञ्चालनमा ल्याएको छ ।

1 Comments

Surya Rai
Aug. 27, 2022, 9:28 p.m.
नेपाल सरकारले मजदुरको हितको लागि ल्याएको सामाजिक सुरक्षा कोषमा नेपाल सरकार कै मजदुरलाई चाहिँ किन सुचिकृत गरिंदैन त ?

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

एक हप्तामा सामाजिक सुरक्षा कोषबाट ८० जना योगदानकर्ताले लिए झण्डै २ करोड विशेष सापटी

1 Comments

Surya Rai

तपाईको प्रतिक्रिया