एक वर्षमा ९ लाख ३३ हजारभन्दा धेरै विद्युतीय राहदानी जारी

 मंसिर २१, २०७९ बुधबार १४:१७:११ | उज्यालो सहकर्मी
unn.prixa.net

काठमाण्डौ – गएको एक वर्षमा काठमाण्डौमा रहेको राहदानी विभागबाट मात्रै तीन लाख ३४ हजारभन्दा धेरैले विद्युतीय राहदानी लिएका छन् ।

अघिल्लो वर्ष मङ्सिर एक गतेदेखि गएको कात्तिक ३० गतेसम्मको अवधिमा  विभागबाट मात्रै तीन लाख ३४ हजार ५८३ जनाले विद्युतीय राहदानी लिएको राहदानी विभागले जनाएको छ । यस्तै जिल्ला प्रशासन कार्यालय तथा इलाका प्रशासन कार्यालयबाट ५ लाख १६ हजार ८०५ जनाले र विदेशस्थित नेपाली नियोगहरूबाट ८१ हजार ९०५ जनाले गरी जम्मा ९ लाख ३३ हजार २९३ थान राहदानी जारी भएको विभागले उल्लेख गरेको छ ।

सरकारले गएको वर्षको मङ्सिर १ गतेदेखि नै विद्युतीय राहदानी जारी गर्न थालेको थियो । विभागका अनुसार देशका सबै जिल्ला प्रशासन कार्यालय, १७ वटा इलाका प्रशासन कार्यालय र ३८ वटा कूटनीतिक नियोगहरूबाट विद्युतीय राहदानी जारी भइरहेको छ । 

विद्युतीय राहदानी लिन अनलाइनबाटै प्रिइनरोलमेनट गर्न पर्छ र यस्तो इनरोलमेन्ट लाइभ हुन्छ । जिल्लाबाट नै आवेदन दिएको भए पनि लाइभ इनरोलमेन्ट हुने हुँदा राहदानी प्रिन्ट भएर छिट्टै नै जिल्लामा पुग्ने गरेको विभागले दाबी गरेको छ । 

यस्तै विभागले राहदानी बनाइदिने, अपोइन्टमेन्ट डेट अगाडि सारिदिनेजस्ता बहानामा कोही कसैले ठगी गर्न खोजेमा विभागमा वा नजिकको प्रहरी कार्यालयमा जानकारी गराउन पनि अनुरोध गरेको छ । 

1 Comments

  • THAGUNNA

    Dec. 7, 2022, 5:21 p.m.

    मैले बाबू को राहदानि को लागी form भर्न खोजे को १ मैंना भयो ११ बजने bittikai कंचनपुर जिल्ला को सरबर hang देखाउछ

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

३

एनपीएलको विजेताले एक करोड ११ लाख रुपैयाँ पुरस्कार पाउने

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई