ओमन पुगेकी दैलेखकी एक महिलाकाे गाडी दुर्घटनामा ज्यान गयाे

पुष ११, २०७९ सोमबार २०:९:२६ | अमर सुनार

प्रतीकात्मक तस्बिर

दैलेख – वैदेशिक रोजगारीको सिलसिलामा ओमन पुगेकी दैलेखकी एक महिलाको गाडी दुर्घटनामा ज्यान गएको छ । नारायण नगरपालिका वडा नं. ७ किमुगाउँकी २७ वर्षीया शान्ति मल्लको ज्यान गएको पारिवारिक स्राेतले जानकारी दिएको छ ।

दुबईको रसअल खैमाहमा रहनुभएका मृतकका मामा हर्कबहामदुर चन्दले मार्केटिङकाे काम सकेर सडक पार गर्दा ओमनको मस्कट अमर भन्ने ठाउँमा कारको ठक्करबाट सोमवार दिउँसो शान्तिको ज्यान गएको उज्यालोलाई बताउनुभयो ।

श्रीमान् झलकबहादुर शाहीले दोस्राे विवाह गरेपछि चार वर्षदेखि माइतीको संरक्षणमा बस्दै आउनुभएकी शान्ति दुई दुई महिना अघिमात्र वैदेशिक रोजगारीको सिलसिलामा ओमन पुग्नुभएको हो । उहाँकी नाै वर्षकी छोरी र ६ वर्षका छोरा छन् ।