ईपीएसमार्फत दक्षिण काेरिया जाने हवाई भाडा घट्याे

माघ ३, २०७९ मंगलबार १४:५०:५१ | उज्यालो सहकर्मी

काठमाण्डाै – रोजगार अनुमति प्रणाली ईपीएसमार्फत दक्षिण कोरिया जाने हवाई भाडा घटाइएको छ । भाडा घटाएर एकतर्फी उडानको ८ सय ९५ अमेरिकी डलर ताेकिएकाे श्रम, रोजगार तथा सामाजिक सुरक्षा मन्त्रालयका सचिव एकनारायण अर्यालले बताउनुभयो । यो भन्दा पहिले १२ सय १५ अमेरिकी डलर रहेको थियो ।

हवाई भाडा बढी भएको भन्दै विरोध हुन थालेपछि भाडा समायोजन गरेको सचिव अर्यालले बताउनुभयाे । श्रम मन्त्रालयले हवाई भाडाका लागि बोलपत्र आह्वान गरेकामा काेरियन एअरलाईन्सकाे प्रस्ताव स्वीकृत भएसँगै आजैदेखिको टिकट बुकिङमा कम मूल्य तिरे पुग्ने भएको हाे ।

ईपीएस मार्फत दक्षिण कोरियाको रोजगारीमा जाने श्रमिक अब पहिलेभन्दा ३ सय २० डलर सस्तो भाडादरमा जान पाउनेछन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)