वैदेशिक रोजगारी : पीडितलाई न्याय दिने भन्दै अनधिकृत व्यक्ति आएर हुल हुज्जत नगर्न विभागको आग्रह

माघ १२, २०७९ बिहीबार १७:४८:५२ | उज्यालो सहकर्मी

काठमाण्डौ – वैदेशिक रोजगारीमा ठगीएका व्यक्तिलाई न्याय दिने भन्दै वैदेशिक रोजगार विभागमा अनधिकृत व्यक्ति आएर हुल हुज्जत नगर्न विभागले आग्रह गरेको छ ।

वैदेशिक रोजगार पीडितलाई न्याय दिने भन्दै पछिल्लो समय विभिन्न व्यक्ति तथा समूह म्यानपावर कम्पनीमा गइ सञ्चालकमाथि आक्रमण गर्ने, विभागमा आएर दबाब सिर्जना गर्ने क्रम बढेको छ । यस विषयमा विभागले कानुन विपरीत अनधिकृत रुपमा त्यस्तो कार्य नगर्न भन्दै विज्ञप्ति जारी गरेको छ । विभागमै पनि हुल हुज्जत गर्ने र अनुसन्धान प्रक्रियालाई प्रभावित पार्ने गरी कार्य गर्ने गरेकाले त्यस्तो नगर्न विभागले आग्रह गरेको हो ।

वैदेशिक रोजगार ऐन २०६४ तथा वैदेशिक रोजगार नियमावली २०६४ मा वैदेशिक रोजगारीमा ठगिएकाहरुले विभाग वा जिल्ला प्रशासन कार्यालयमा उजुरी गर्न पाउने व्यवस्था छ । यसरी उजुरी गर्दा पीडित स्वं तथा नीजको नजिकको आधिकारिक व्यक्तिले गर्न सक्छन् । यस्तो उजुरीमाथि विभागले आवस्यक अनुसन्धान गरी कारबाही प्रक्रिया अगाडि बढाउँछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)