विमानस्थलमा कतै स्याल कुद्ने, कतै गिद्ध उड्ने, अनि कतै भिड बढ्यो भन्दै आफन्त रोक्ने !

 असार १९, २०८० मंगलबार १४:५७:२० | मेरो कथा मेरो भोगाई
unn.prixa.net

जनक गोले/हाल यूएई ।

केही दिन अघि मात्र त्रिभुवन अन्तर्राष्ट्रिय विमानस्थलले विदेश जानेलाई बिदाइ गर्न तीन जना मात्र जान पाउने बताएको छ । विमानस्थलमा भिडभाड र सुरक्षाको कारण देखाउँदै विमानस्थलले यस्तो नियम लागू गरिएको बताएको छ। 

विमानस्थलको यो नियमसँगै अब आफ्ना मानिस विदेश जाँदा तपाईँ हामी तीन जना मात्र विमानस्थलमा बिदाइ गर्न जान पाउँछौँ । थुप्रैलाई यो नियम राम्रो लागेको छ । तर मलाई भने यस व्यवस्था त्यति चित्त बुझेको छैन । 

मलाई लाग्छ यो नियम बनाउनेले कहिले पनि बिछोडको पीडा भोगेकै छैन । त्रिभुवन अन्तर्राष्ट्रिय विमानस्थल एक मात्र विकल्प होइन । अर्बौं रकम खर्चिएर सरकारले थप दुई वटा विमानस्थल बनाइसकेको छ । दुई वर्ष हुन लागिसक्यो गौतमबुद्ध अन्तर्राष्ट्रिय विमानस्थल निर्माण भएको । तर यो विमानस्थलबाट नियमित उडान कहिले होला भनेर कुर्न परेको छ ।

धन्न एउटा विदेशी जहाजले इज्जत धानेको छ । नेपाल एअरलाइन्सले अब उडान गर्ने कुराले खुसी त बनाएको छ । तर कहिलेसम्म होला भन्ने चिन्ता पनि छ । उता पोखरा विमानस्थल उद्घाटन भएर पनि अन्तर्राष्ट्रिय उडानहरू हुन सकेको छैन । अब कहिलेदेखि हुन्छ भन्ने पनि यकिन छैन । 

तर यसतर्फ सरकारले ध्यान दिएको देखिँदैन । अर्बौँको लगानी गरेर आफ्नो स्रोत साधन खर्चेर तयार भएका विमानस्थललाई व्यवस्थित गरेर उपयोगमा ल्याएर सुविधा दिनेबारे सरकारले कहिले सोच्ने होला ।

अनि भएको एउटा विमानस्थलबाट सबै जना विदेश उडेपछि भिडभाड त भइनै हाल्छ नि । हाम्रो विमानस्थलमा सरकारले सुरक्षाको कुरा गर्दा पनि उदेक लाग्छ । कहिले स्याल कुद्छन् त कहिले बाँदर ।

तर वर्षौँ वर्ष भेट नहुने आफन्तलाई बिदाइ गर्न विभिन्न ठाउँबाट आइपुग्नेहरूलाई चाहिँ गेटमै रोक्नु कतिको उचित होला । हुन त तपाईँलाई सही हो भन्ने पनि लाग्न सक्छ । किनकि बिदाइ त घरमै गर्दा भइहाल्यो नि भन्ने सोच पनि धेरैको छ ।

देशै छोडी जानेलाई विमानस्थलमा पुगेर हात हल्लाउनुको अर्थ सबैले अनुभव नगर्न सक्छन् ।

यदि नेपालमा भएका विमानस्थलहरू सञ्चालनमा आएमा काठमाण्डौमा रहेको विमानस्थलमा भीड त यसै घट्छ । तीन जना, पाँच जना भनेर सरकारले रोक्नै पर्दैन । 

1 Comments

  • Durga Shrestha

    July 4, 2023, 8 p.m.

    सारै मन पर्यो सर हजुरको बिचार🙏 यसको बारेमा नेपाल सरकारले सक्दो छिटो ध्यान दिनुपर्ने देखिन्छ।

तपाईको प्रतिक्रिया

समाचार

लोकप्रिय

१

सुनकाे भाउ दुई दिनमा १८ हजार पाँच सय रुपैयाँले घट्यो

२

अस्थायी, ज्यालादारी कर्मचारीलाई पनि सामाजिक सुरक्षा काेषको दायरामा ल्याउने प्रधानमन्त्रीकाे घाेषणा

३

सामाजिक सुरक्षा कोषले विदेशमा रहेका श्रमिकका श्रीमान्–श्रीमती तथा छोराछोरीको उपचार खर्च पनि बेहाेर्ने

४

पर्थमा लज्जास्पद हारपछि पनि अस्ट्रेलियाले दोस्रो टेस्टमा उही टोलीलाई खेलाउने

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई