साउदीमा कार्यरत श्रमिकले अनलाइनमार्फत दूतावासमा आफ्नो गुनासो राख्न सक्ने

 असार २६, २०८० मंगलबार १४:४:८ | उज्यालो सहकर्मी
unn.prixa.net

काठमाण्डौ – साउदीमा रहेको नेपाली दूतावासले अनलाइन प्रणालीमार्फत श्रमिकले सबै खाले समस्या र गुनासा टिपाउन मिल्ने अनलाइन प्रणाली सञ्चालनमा ल्याएको छ ।

समस्यामा परेकाहरूले सहज रूपमा दूतावासमा आफ्नो समस्याहरू राख्न सकुन भन्ने उद्देश्यले अनलाइन प्रणाली सञ्चालनमा ल्याएको दूतावासले जनाएको छ ।

यो प्रणाली सञ्चालनमा आएसँगै अब साउदीमा कार्यरतहरूलाई कुनै अप्ठेरो भएमा, गुनासो राख्नु परेमा वा दूतावासको सहयोग चाहिएमा अनलाइनमार्फत नै आफ्नो कुरा राख्न सक्छन् ।

यो व्यवस्थाले पहिलेजस्तो दूतावासको कार्यालय नै पुग्न पर्ने वा फोन गर्नु पर्ने बाध्यता हटेको छ ।

दूतावासमा भौतिक उपस्थित हुनु पर्ने वा फोनबाट समस्या राख्दा फोन नउठ्ने लगायतको समस्या श्रमिकले भोग्दै आएका थिए । 

अब भने अनलाइनमार्फत श्रमिकले राखेका समस्या तथा गुनासो उपर तत्कालै आवश्यक समन्वय थालिने दूतावासले जाएको छ । दूतावासले समस्या समाधानका लागि के कस्तो पहल र प्रयासहरू गरिरहेको छ भन्ने जानकारी पनि अनलाइनमार्फत नै श्रमिक आफैँले हेर्न सक्नेछन् ।

आफूले राखेको गुनासो उपर के भइरहेको छ भनेर दूतावासमा सम्पर्क गरिरहन पर्ने बाध्यता पनि यो प्रणालीले हटाएको दूतावासले जनाएको छ । 

दूतावासले सञ्चालनमा ल्याएको अनलाइन प्रणालीमार्फत आफ्नो समस्या र गुनासो टिपाउन याे https://sa.nepalembassy.gov.np/complain/ लिङ्कमार्फत जान पर्छ ।

 यसका साथै दूतावासबाट कुनै सेवाको आवश्यकता भएमा थप जानकारी चाहिएमा दूतावासमा ०११४६१११०८ नम्बर बिहान ९ बजेदेखि बेलुकी ५ बजेसम्म र ०११२८८३७९५ नम्बरमा दिउँसो तीन बजेदेखि बेलुका ५ बजेसम्म सम्पर्क गर्न सकिन्छ । यी नम्बरमा दूतावास खुला रहने दिनमा मात्र सम्पर्क गर्न र सकेसम्म आफ्नो समस्या र गुनासा भने अनलाइनमार्फत नै टिपाउन दूतावासले अनुरोध गरेको छ ।

1 Comments

  • CHHONGBA SHERPA

    July 23, 2023, 4:37 a.m.

    हेलो सर नमस्कार। म नेपाल जान्छु भन्दा नि जाना दिएको छैन। मसँग पैसा नि छैन। काम गरेको पैसा पनि दिदैन्। हजुरहरू को सहयोग चिहियो। please🙏🙏🙏🙏🙏

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

चितवन राइनोजका समर्थकलाई निःशुल्क बस र खाजाको व्यवस्था

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई