विवाहपछि के हुन्छ दिपिकाको फिल्मी करियर ?

कात्तिक ३०, २०७५ शुक्रबार १५:५८:१७ | उज्यालो सहकर्मी

काठमाडौं – चलचित्र निर्देशक दिवाकर भट्टराई र अभिनेत्री दीपिका प्रसाईले केही समयअघि मात्र ४ वर्ष लामो प्रेम सम्बन्धपछि इन्गेजमेन्ट गरे । इन्गेजमेन्टअघि नै उनीहरुले कोर्ट म्यारिज भने गरिसकेका थिए ।

चलचित्र नगरीमा आउनुअघि नै यो जोडीले एक अर्कालाई चिनिसकेका थिए । इन्गेजमेन्टपश्चात यो जोडी थाइल्याण्ड घुमेर भर्खर मात्र नेपाल फर्किएको छ । चलचित्र नगरीमा त्यस्ता धेरै उदाहरणहरु छन् जो विवाहपश्चात चलचित्र नगरीबाटै बिलाएका छन् । धेरैले दिपिकालाई पनि त्यसै नजरबाट हेरे । दिपिकाले पनि विवाह गरिन् कतै अब दिपिका पनि चलचित्र नगरीबाट हराउने पो हुन कि ?

विवाह गर्नासाथ दिपिकालाई झट्का पनि नलागेको हैन । सुरुवातमा पुनम इन्टरटेन्मेन्टको ब्यानरमा निर्माण हुन लागेको चलचित्रमा दिपिकाले काम गर्ने पक्का भएको थियो तर उनले निर्देशक दिवाकर भट्टराईसँग टीकाटालो गरेको खबर बाहिरिनासाथ उनको हातमा आएको चलचित्र खोसियो र त्यस चलचित्रमा अब नायिका सम्राज्ञी राज्यलक्ष्मी शाहले काम गर्ने पक्का भइसकेको छ । उनले त्यस चलचित्रका निम्ति कागजी सम्झौता नै गरिसकेकी छिन् ।

दिपिका अभिनित चलचित्र ‘छक्का पञ्जा –३’ यतिबेला पनि चलिरहेको छ । चलचित्रले नेपालमा मात्र नभएर अन्तर्राष्ट्रिय स्तरमा समेत विभिन्न रेकर्ड राखिरहेको छ । चलचित्र ‘छक्का पञ्जा ३’ युनिटसँग पनि दिपिकाको सम्बन्ध त्यति सुमधुर हुन सकेन । अब दिपिकाले के गर्छिन् त ? धेरैको चासोको विषय बनिरहेको छ ।

दिवाकर र दीपिका पहिलेदेखि नै सँगै बस्दै आएका भए पनि विवाह भने आउँदो वर्षमा गर्ने उनीहरुको योजना छ । सन्तानका विषयमा पनि अहिले केही सोचिनसकेको नयिका दिपिका बताउँछिन् । उनी ठट्टा गर्दै भन्छिन्, ‘भर्खर त कसैकी श्रीमती बनेको छु पहिले यसको अनुभव राम्रो सँग लिउँ, आमा बन्नका लागि त अझै धेरै समय छ नि ।’

दिवाकरले निर्देशन गरेको चलचित्र क्याप्टेन प्रदर्शनमा आउन बाँकी नै छ । त्यसपछि दिवाकारको निर्देशनमा बन्ने अर्को चलचित्रमा भने दिपिका नै नायिकाका रुपमा हुने बताइएको छ । ‘अर्को प्रोजेक्टका निम्ति काम सुरु भइसकेको छ । अब दिपिकाले लिखित सम्झौता गर्न मात्र बाँकी छ’, निर्देशक भट्टराइको भनाई छ ।

- उज्यालो र गफगाफ डटकमको सहकार्य

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्