जीर्ण बनेको कर्णालीको झोलुङ्गे पुलमा आवागमन बन्द

जेठ ३०, २०८१ बुधबार ७:४४:३१ | रासस

अछाम – जीर्ण बनेको कर्णालीको झोलुङ्गे पुलमा आवतजावत बन्द गरिएको छ । अछामको पञ्चदेवल बिनायक नगरपालिका–९ कालेकाडा र दैलेखको आठबीस नगरपालिका–४ खिड्कीज्युला जोड्ने कर्णालीको झोलुङ्गे पुलमा खच्चड हिंडाउँदा आइतवार पुलको दाहिनेतर्फका लट्ठा चुडिएपछि जीर्ण बनेको पुलमा आवागमन बन्द गरिएको हो ।

पञ्चदेवल विनायक नगरपालिका–९ का चिल्ताडा, भाटगाउँ, भानाकोट, तामकोट, राकुलगायत बस्तीको नजिकको बजार खिड्की जीउँला र राकम रहेकाले त्यस ठाउँका नागरिकलाई आवतजावतसँगै दैनिक उपभोगका सामान ढुवानीमा समस्या भएको छ ।

विद्यार्थी पनि समस्यामा परेका छन् । प्राविधिक जाँच, मूल्याङ्कन एवम् परीक्षण नगरी यो पुलबाट मानिसको आवतजावत जोखिम भएकाले तत्कालका लागि पुलको प्रयोगमा रोक लगाएको अछामका प्रमुख जिल्ला अधिकारी शिवप्रसाद लम्सालले बताउनुभयो ।

पुलमा आवतजावत बन्द भएपछि दैलेख र अछामका विद्यार्थी प्रभावित भएका छन् । अछाम जिल्लातर्फ चण्डीका मावि र दैलेखतर्फ प्रिनर्सरी स्कुलमा अध्ययनरत विद्यार्थीलाई आवतजावतमा समस्या भएको छ ।

जीर्ण पुलको तत्काल मर्मत तथा झण्डै दुई सय मिटर हाराहारीमा रहेको अर्को पञ्चदेवल विनायक नगरपालिका–९ ओदल्ताडा र दैलेखको आठबीस नगरपालिका–४ को नैनेलमाडु जोड्ने गरी निर्माणाधीन कर्णाली नदीको नयाँ पुल तत्काल निर्माण गरी सञ्चालनमा ल्याउन गृह मन्त्रालय र अन्य सम्बन्धित निकायलाई आवश्यक पहलका लागि जानकारी गराइसकेको प्रमुख जिल्ला अधिकारी लम्सालले बताउनुभयो ।

आइतवार खाद्यान्न बोकेका १४ खच्चड पुलमा फसेका थिए । स्थानीय बासिन्दा र सुरक्षाकर्मीले १२ वटा खच्चडको जीवितै उद्धार गरेका थिए । दुई वटा खच्चड मरेका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जीर्ण बनेको कर्णालीको झोलुङ्गे पुलमा आवागमन बन्द

फाइल तस्बिर

तपाईको प्रतिक्रिया