नासा र स्पेस एक्सबीच ८ सय ४३ मिलियन डलरको सम्झौता

असार १४, २०८१ शुक्रबार ९:१०:४८ | एजेन्सी

अमेरिकी अन्तरिक्ष एजेन्सी नासा र एलन मस्कको कम्पनी स्पेस एक्सबीच आठ सय ४३ मिलियन डलरको सम्झौता भएको छ । यस सम्झौता अनुसार स्पेस एक्सले डिअर्बिट भेहिकल नामक अन्तरिक्ष यान बनाउनेछ । यो अन्तरिक्ष यानले झन्डै चार सय ३० टन तौल भएको अन्तर्राष्ट्रिय अन्तरिक्ष स्टेशन (आईएसएस) को म्याद पूरा भएपछि सन् २०३० मा पृथ्वीमा फर्काउन महत्वपूर्ण भूमिका खेल्ने बीबीसीले जनाएको छ ।

अन्तर्राष्ट्रिय अन्तरिक्ष स्टेशन बनाउनका लागि सन् १९८० को दशकमा यसका पार्टपुर्जा एक–एक गरी अन्तरिक्षमा पठाइएको थियो । यो स्टेशन पृथ्वीबाट चार सय किलोमिटर माथि अन्तरिक्षमा रही हरेक ९० मिनेटमा पृथ्वीको वरिपरि एक परिक्रमा गर्छ ।

आफ्नो कार्यकाल पूरा गरेपछि आईएसएस अन्तरिक्षमा तैरने र अन्तरिक्ष भग्नावशेषको हिस्सा बनेर पृथ्वीमा खस्न सक्ने नासाले बताएको छ । नासाले आईएसएसलाई सुरक्षित रूपमा हटाउने र फिर्ता ल्याउने जिम्मेवारी विभिन्न देशमा रहेको एजेन्सीसँगै स्पेसएक्सको पनि रहेको बताएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्