राष्ट्रसंघबाट साइबर अपराधविरूद्धको अभिसन्धि अनुमोदन

साउन २६, २०८१ शनिबार १५:२८:५७ | एजेन्सी

मानव अधिकारकर्मीको कडा विरोधको बीच राष्ट्रसंघका सदस्य राष्ट्रहले साइबर अपराधविरूद्धको अभिसन्धि अनुमोदन गरेका छन् । न्युयोर्कमा तीन वर्षको वार्ता र अन्तिम दुई हप्ताको छलफलपछि सदस्यद्वारा अनुमोदित साइबर अपराधविरुद्धको संयुक्त राष्ट्रसङ्घीय अभिसन्धिलाई औपचारिक स्वीकृतिका लागि महासभामा पेश गरिनेछ ।

अभिसन्धिको मस्यौदा समितिको अध्यक्ष अल्जेरियाली कूटनीतिज्ञ फौजिया बौमाइजा मेबार्कीले प्रस्ताव स्वीकृत भएपछि सहभागी सदस्य राष्ट्रलाई धन्यवाद दिनुभएको एएफपीले जनाएको छ । रूसले सन् २०१७ मा गरेको प्रारम्भिक प्रयासपछि अमेरिका र युरोपेली विरोधको बीच यो समिति गठन गरिएको थियो । यो अभिसन्धि ४० सदस्य राष्ट्रले अनुमोदन भएपछि लागू हुनेछ । यसले बाल यौन दुर्व्यवहार, सम्पत्ती शुद्धिकरणलगायतका 'साइबर अपराध'लाई प्रभावकारी रूपमा रोक्न प्रयास गर्नेछ ।

यो सन्धिले कम विकसित साइबर पूर्वाधार भएका देशलाई सहयोग गर्ने राष्टसंघले जनाएको छ । यस अभिसन्धिले राज्यले आफ्नो घरेलु कानून अन्तर्गत न्यूनतम चार वर्षको जेल सजायमा पनि अपराधको अनुसन्धान गरी अपराधसँग सम्बन्धित कुनै पनि इलेक्ट्रोनिक प्रमाणका लागि इन्टरनेट सेवा प्रदायकबाट डाटा प्राप्तिको लागि अनुरोध गर्नसक्छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्