युक्रेनी सेना रुसको ३० किलोमिटर भित्रसम्म पुग्यो, केही गाउँ कब्जामा

साउन २८, २०८१ सोमबार १५:१९:५ | एजेन्सी

रुसी आक्रमणविरुद्ध प्रत्याक्रमण गरिरहेको युक्रेनी सेना रुसी भू–भागमा ३० किलोमिटर भित्रसम्म पुगेको छ । रुसले सन् २०२२ मा युक्रेनमाथि आक्रमण शुरू गरेयता युक्रेनी सेना रुसी भू–भागमा सबैभन्दा भित्रसम्म पुगेको बीबीसीले जनाएको छ ।

रुसको कुर्स्क क्षेत्रमा युक्रेनी सेना प्रवेश गरेको छैटौँ दिन सीमाभन्दा ३० किलोमिटर भित्रसम्मका गाउँ पुगेको हो । रुसको रक्षा मन्त्रालयले आफ्नो फौज र युक्रेनी सेनाबीच टोल्पिनो र ओब्बेस्चे कोलोडेज् गाउँमा लडाइँ भइरहेको जनाएको छ । युक्रेनका राष्ट्रपति भोलोदिमिर जेलेन्स्कीले पनि आफ्नो फौजबाट रुसी भू–भागमा आक्रमण भएको स्वीकार गर्नुभएको छ ।

एक जना युक्रेनी वरिष्ठ अधिकारीले हजारौँ सैनिक रुसको भू–भागमा पुगेर कारबाही गरिरहेका बताएका एएफपीले जनाएको छ । युक्रेनी सेनाले कुर्स्क क्षेत्रका केही बस्तीहरू कब्जामा लिएको जनाएको छ ।

युक्रेनी सीमाभन्दा तीन किलोमिटरभित्र रुसको ग्वेभो गाउँमा सैनिकहरूले प्रशासकीय भवनहरूबाट रुसी झन्डा हटाइँदै गरेको भिडिओ सार्वजनिक भएको छ । रुसले कुर्स्कको आणविक ऊर्जा केन्द्र नजिकै आफ्नो रक्षा पङ्क्ति तयार गरिरहेको छ । युक्रेनी सैनिकहरू त्यहाँभन्दा ५० किलोमिटर टाढा छन् ।

रुसले कुर्स्कको सीमा क्षेत्रबाट ७६ हजार जना मानिसलाई उद्धार गरेको र त्यहाँ स्थानीय प्रशासनले सङ्कटकाल घोषणा गरेको जनाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युक्रेनी सेना रुसको ३० किलोमिटर भित्रसम्म पुग्यो, केही गाउँ कब्जामा

तस्बिर : एजेन्सी

तपाईको प्रतिक्रिया