हमासले बन्धक बनाएका ६ जनाको शव इजरायली सेनाले बरामद गर्‍याे

भदौ १६, २०८१ आइतबार १८:२९:३२ | एजेन्सी

इजरायलको सेनाले गाजा पट्टीबाट हमासले बन्धक बनाएका ६ जनाको शव बरामद गरेको बताएको छ ।

इजरायली रक्षा बल (आईडीएफ) ले राफा क्षेत्रमा भूमिगत सुरुङमा ६ वटा शव भेटिएको बताएको छ । आफूहरू पुग्नुअघि नै हमासका आतङ्कवादीहरूले बन्धकहरूलाई निर्दयी रूपमा मारेका इजरायली सेनाका प्रवक्ता एडम डानियल हंगारीले बताउनुभएको छ ।

मारिएका ६ जनालाई गएको वर्षको अक्टोबरमा हमासले बन्धक बनाएको थियो । मारिनेमा एक जना अमेरिकी नागरिक पनि रहेका छन् ।

यसैबीच बन्धकका परिवारहरूको सङ्गठनले इजरायलका प्रधानमन्त्री बेन्जामिन नेतान्याहुप्रति चर्को आक्रोश व्यक्त गरेका छन् । उनीहरूले नेतान्याहुलाई लुक्ने काम बन्द गर्न र आफन्तको हत्याको जिम्मेवारी लिन माग गरिरहेका बीबीसीले जनाएको छ ।

परिवारहरूको सङ्गठनले इजरायली प्रधानमन्त्रीले संयमता अपनाएर हमाससँग वार्ता गरेको भए आफन्तहरू ज्यूँदै भेटिन सक्ने भन्दै चर्को आलोचना गरेका हुन् । हमाससँग इजरायलको सम्झौताको असफलताको परिणाम स्वरूप आफूहरूले आफन्त गुमाइरहेको उनीहरूको भनाइ छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हमासले बन्धक बनाएका ६ जनाको शव इजरायली सेनाले बरामद गर्‍याे

तस्बिर : एजेन्सी

तपाईको प्रतिक्रिया