अमेरिकासहितका देशको युद्धविराम प्रस्ताव इजरायलले नमान्ने

हिजबुल्लाहविरुद्ध ‘पूर्ण शक्ति’ का साथ लड्न सेनालाई प्रधानमन्त्री नेतान्याहुको निर्देशन

असोज १०, २०८१ बिहीबार १८:२९:२२ | एजेन्सी

इजरायलले लेबनानको विद्रोही समूह हिजबुल्लाहसँगको युद्धविराम आह्वानलाई अस्वीकार गरेको छ ।

इजरायलका प्रधानमन्त्री बेन्जामिन नेतान्याहुले आफ्ना सेनालाई पूर्ण शक्तिका साथ लड्न भन्नुभएको र गएरातिको युद्धविराम आह्वानलाई लिएर कुनै प्रतिक्रिया नदिएको बीबीसीले जनाएको छ । यस्तै प्रधानमन्त्री नेतान्याहुले गाजामा युद्धका लक्ष्यहरू प्राप्त नभएसम्म सङ्घर्ष जारी रहने बताउनुभएको छ ।

यसैबीच इजरायलका विदेशमन्त्रीले उत्तरी सीमामा रहने इजरायलीहरू सुरक्षित रूपमा आफ्नो नफर्किएसम्म हिजबुल्लाहसँगको युद्ध जारी राख्ने बताउनुभएको खबरमा उल्लेख छ ।

यसअघि इजरायल र लेबनानाको सीमामा चलिरहेको युद्ध रोक्न अमेरिकासहितका देशले युद्धविरामको प्रस्ताव राखेका थिए । तर इजरायलले यो प्रस्ताव अस्वीकार गरेको हो ।

लेबनानको स्वास्थ्य मन्त्रालयका अनुसार इजरायलको पछिल्लो आक्रमणमा कम्तीमा १३ जनाको ज्यान गएको छ भने सोमवारयता पाँच सय ५० जनाभन्दा धेरैले ज्यान गुमाएका छन् । गएको वर्षको अक्टोबर ८ यता इजरायल र हिजबुल्लाहबीच दैनिकजसो सीमा वारपार गोलाबारी हुँदै आएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकासहितका देशको युद्धविराम प्रस्ताव इजरायलले नमान्ने

हिजबुल्लाहविरुद्ध ‘पूर्ण शक्ति’ का साथ लड्न सेनालाई प्रधानमन्त्री नेतान्याहुको निर्देशन

तस्वीर : एजेन्सी

तपाईको प्रतिक्रिया