रवि लामिछानेको बचाउमा रास्वपाको काठमाण्डौ केन्द्रित आन्दोलन शुरू

सहकारी पीडितले पनि आन्दोलन घोषणा गरे

कात्तिक ९, २०८१ शुक्रबार १८:४:३० | उज्यालो सहकर्मी

काठमाण्डाै – सहकारी ठगी प्रकरणमा पक्राउ परेका सभापति रवि लामिछानेको बचाउमा प्रदर्शन गर्दै आएका राष्ट्रिय स्वतन्त्र पार्टी (रास्वपा) का नेता/कार्यकर्ताले आजदेखि काठमाण्डौ केन्द्रित आन्दोलन थालेका छन् । उनीहरूले आज माइतीघरमा प्रदर्शन गरेका छन् ।

लामिछानेलाई काठमाण्डौमा पक्राउ गरेर पोखरा पुर्‍याएकै दिनदेखि पोखरामा प्रदर्शन गर्दै आएका रास्वपाका नेता/कार्यकर्ताले आजदेखि काठमाण्डौ केन्द्रित प्रदर्शन शुरू गरेका हुन् । पक्राउ परेको दोस्रो दिन पनि काठमाण्डौमा प्रदर्शन भएको थियो । आजको विरोध प्रदर्शनमा रास्वपाका उपसभापतिदेखि सांसदहरूसम्म सहभागी भएका छन् । आजदेखि काठमाण्डौमा आन्दोलन निरन्तर रहने रास्वपाका नेताहरूले बताएका छन् । आज उनीहरूले सरकारविरोधी पर्चा पम्प्लेट बोकेर नारा लगाए ।

सभापति लामिछानेमाथि सहकारी ठगी र सङ्गठित अपराधसँगै सम्पत्ति शुद्धीकरणसम्बन्धी कसुरमा समेत अनुसन्धान भइरहेको छ । सम्पत्ति शुद्धीकरणसम्बन्धी कसुरमा समेत अनुसन्धान गर्ने गरी हिजो जिल्ला अदालत कास्कीले थप सात दिनको समय दिएको छ । सङ्गठित अपराध अनुसन्धानमा ६० दिन हिरासतमा राख्ने पाउने व्यवस्था रहेकोमा सम्पत्ति शुद्धीकरणमा आरोपितलाई ९० दिन थुनामा राख्न सकिन्छ ।

यस्तै लामिछानेमाथि जिल्ला अदालत रुपन्देहीबाट समेत पक्राउ पुर्जी जारी भएको छ । रुपन्देही अदालतले लामिछानेलाई पक्राउ गरेर सङ्गठित अपराधमा अनुसन्धान गर्न अनुमति दिएको हो । पोखरामा बयान सकेर लामिछानेलाई रुपन्देही लैजाने तयारी रहेको प्रहरीले जनाएको छ ।

यसैबीच सहकारी बचतकर्ता संरक्षण राष्ट्रिय अभियान महासङ्घले आन्दोलनको घोषणा गरेको छ । रास्वपाले पोखरा केन्द्रित आन्दोलनलाई छोडेर काठमाण्डौ केन्द्रित भएकै दिन आज महासङ्घले आन्दोलनको घोषणा गरेको हो । सहकारी पीडितलाई मोहरा बनाएर पार्टीगत आन्दोलन गरेको र सरकारले गरेका बैठकमा सहकारी पीडितको प्रतिनिधित्व नगरेका कारण आफूहरूले आउँदाे मङ्सिर ५ गतेदेखि निर्णायक आन्दोलन गर्ने घोषणा गरेको अभियानका संयोजक शुभलव केसीले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रवि लामिछानेको बचाउमा रास्वपाको काठमाण्डौ केन्द्रित आन्दोलन शुरू

सहकारी पीडितले पनि आन्दोलन घोषणा गरे

तस्वीर : सामाजिक सञ्जाल

तपाईको प्रतिक्रिया