पाकिस्तानमा साम्प्रदायिक झडप बढ्यो, गुडिरहेका गाडीमा आक्रमण हुँदा ४२ जनाको ज्यान गयो

मंसिर ७, २०८१ शुक्रबार १३:९:१४ | एजेन्सी

पाकिस्तानमा साम्प्रदायिक झडप बढ्न थालेको छ । आज मात्रै पाकिस्तानको उत्तर पश्चिमी खैबर पख्तुनख्वा प्रान्तको आदिवासी क्षेत्रमा बन्दुकधारीले यात्रुबाहक बसमा गरेको आक्रमणमा ४२ जनाको ज्यान गएको छ । बन्दुकधारीको आक्रमणबाट अरु १६ जना गम्भीर घाइते भएका सीएनएनले जनाएको छ ।

अफगानिस्तानसँगको सीमा नजिकै पर्ने कुर्रम जिल्ला हुँदै गुडिरहेको गाडीमा आक्रमण भएको हो । गाडीमा झण्डै दुई सय जना यात्रु रहेका खबरमा उल्लेख छ । भूमिको स्वामित्वलाई लिएर यो क्षेत्रमा दशकौँदेखि शिया र सुन्नि मुस्लिम हतियारधारी समूहबीच विवाद रहँदै आएको छ । अहिलेसम्म कुनै पनि समूहले घटनाको जिम्मेवारी लिएको छैन ।

यसअघि हिजो यही क्षेत्रमा भएका दुई आक्रमणमा ३२ जनाको ज्यान गएको थियो । शिया समुदायका दुई अलग–अलग समूहमा आक्रमण भएको थियो । पाकिस्तानमा हुने सामुदायिक झडपमा परी वर्षेनि सयौँ व्यक्तिले ज्यान गुमाउने गरेका छन् । गएको अक्टोबरमा भएको झडपमा पनि १६ जनाको ज्यान गएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्