रूसमा सन्तान नजन्माउन प्रोत्साहन गर्ने सबै किसिमका कार्यक्रम माथि प्रतिबन्ध

मंसिर १०, २०८१ सोमबार ९:१५:५२ | एजेन्सी

रूसले सन्तान नजन्माउन प्रोत्साहन गर्ने कार्यक्रम माथि प्रतिबन्ध लगाएको छ । नयाँ पुस्ताले विवाह गर्न र सन्तान जन्माउन अरुचि देखाउँदै गएको सन्दर्भमा सरकारले एउटा कानून बनाएर सन्तान नजन्माउन प्रोत्साहन गर्ने अभियान माथि प्रतिबन्ध लगाएको रूस सञ्चारमाध्यम आरटीले जनाएको छ ।

राष्ट्रपति भ्यादिमिर पुटिनले हस्ताक्षर गरेर कार्यान्वयनमा ल्याउनुभएको कानूनमा बच्चा नजन्माउन प्रोत्साहन गर्ने खालका कुनै पनि प्रचार गर्ने व्यक्तिलाई ५० हजारदेखि एक लाख रुबलसम्म जरिमाना तोकिएको छ ।

यस्तै सरकारी कर्मचारी तथा अधिकारीको यस्ता गतिविधि गरेमा एक लाखदेखि दुई लाख रुबलसम्म जरिमाना तिर्नुपर्छ । संस्थागत अभियानमा ५० लाख रुबलसम्म जरिमानाको व्यवस्था रहेको आरटीको खबरमा उल्लेख छ ।

सामाजिक सञ्जाल, आमसञ्चार, चलचित्र वा विज्ञापन कतै पनि सन्तान नजन्माउन प्रोत्साहन गर्ने सामग्री समेट्न पाइदैन । रूस सरकारले पछिल्ला दशकहरूमा बहुसन्तानको अभियान चलाइरहेको छ ।

चीन, जापान, दक्षिण कोरियालगायतका देशमा जस्तै रूसमा पनि नयाँ जन्मिने मानिसको सङ्ख्या घटेपछि सरकारले सन्तान जन्माउन प्रोत्साहनका कार्यक्रम ल्याइरहेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रूसमा सन्तान नजन्माउन प्रोत्साहन गर्ने सबै किसिमका कार्यक्रम माथि प्रतिबन्ध

तस्बिर : एजेन्सी

तपाईको प्रतिक्रिया