उत्तरी नाइजेरियाको नाइजर नदीमा डुङ्गा पल्टिँदा २७ जनाको ज्यान गयो

मंसिर १५, २०८१ शनिबार १२:४१:३ | एजेन्सी

उत्तरी नाइजेरियाको नाइजर नदीमा डुङ्गा पल्टिँदा २७ जनाको ज्यान गएको छ । एक सय जना भन्दा धेरै हराइरहेका छन् । दुई सय जना मानिसलाई बोकेर एउटा खाद्य बजारतर्फ गइरहेको डुङ्गा पल्टिएको सरकारी अधिकारीलाई उद्धृत गर्दै समाचार संस्था एपीले जनाएको छ ।

हराउनेमा धेरैजसो महिला रहेका छन् । यो डुङ्गा कोगी राज्यबाट छिमेकी नाइजर राज्य जाँदै गरेको नाइजर राज्य आपतकालीन व्यवस्थापन एजेन्सीका प्रवक्ता इब्राहिम औडुले बताउनुभएको छ । उद्धारकर्ताहरूले हिजो रातिसम्म नदीबाट २७ जनाको शव निकालेका छन् । हराइरहेकाहरुको गोताखोरहरूले अझै अरूको खोजी गरिरहेका छन् ।

उद्धारकर्तालाई पल्टिएको डुङ्गाको ठाउँ पत्ता लगाउनै समस्या भएको थियो । अधिकारीहरूले डुङ्गा पल्टिनुको कारण के हो भन्ने पुष्टि गरेका छैनन्, तर स्थानीय मिडियाले क्षमता भन्दा निकै धेरै भार भएका कारण डुङ्गा पल्टिएको हुन सक्ने उल्लेख गरेका छन् ।

नाइजेरियाका दुर्गम भागहरूमा चल्ने डुङ्गाहरूमा अत्यधिक भीडभाड हुनु सामान्य छ । सडकको व्यवस्था नहुँदा मानसिहरु जोखिम मोलेर डुङ्गामा यात्रा गर्न बाध्य छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

उत्तरी नाइजेरियाको नाइजर नदीमा डुङ्गा पल्टिँदा २७ जनाको ज्यान गयो

तस्बिर : एजेन्सी

तपाईको प्रतिक्रिया