जीपका पछाडिका सिटहरु प्रहरीले हटाएपछि मनपरी भाडा असुल्दै व्यावसायी !

मंसिर १५, २०७५ शनिबार १७:५६:५२ | जयराज अवस्थी

बैतडी – बैतडीमा ट्राफिक प्रहरीले जीपका पाछाडिका सिटहरु हटाएपछि बैतडीका यात्रुहरुलाई निकै सास्ती भएको छ ।

जीपमा धेरै यात्रुहरु चढाएको भन्दै जीपका पाछाडिका सिटहरु प्रहरीले हटाएको थियो । सवारीसाधन संञ्चालकहरुले नियमविपरित जीपका पाछाडि सिट थपेको भन्दै प्रहरीले बैतडीमा चल्ने ८० भन्दा बढी जीपहरुको पाछाडिका सिटहरु हटाएको छ ।

यसपछि जीपहरुले १५ जनासम्म यात्रु बोक्ने गरेका थिए । तर अहिले प्रहरीले पाछाडिका जीपका सिटहरु हटाउँदा ५ जना यात्रु मात्र बोक्नुपर्ने बाध्यता सवारीचालकहरुलाई भएको छ ।

एउटा जीपमा ५ जना मात्र यात्रु बोक्नुपर्ने भएकोले अहिले आवतजावत गर्नको लागि सवारीसाधन पाउनै मुस्किल भएको दशरथचन्द नगरपालिका वडा नम्बर १ कि मञ्जु भट्टले बताउनुभयो ।

कहीँ कतै जान परे गाडी कुर्दा— कुर्दा थाक्नु पर्ने अवस्था आए पनि सवारीसाधन नपाइने गरेका उहाँले गुनासो गर्नुभयो । मुख्य ठाउँबाट सवारीसाधन प्याक भएर आउने गरेकोले अन्य ठाउँमा चालकहरुले जीपहरु नरोक्ने गर्दा आफूहरुलाई धेरै समस्या हुने गरेको उहाँले बताउनुभयो ।

सवारीसाधान नपाइएकै कारणले घण्टौं हिँड्नु पर्ने समस्या भएको सुर्नया ३ कि पवित्रा भट्टले बताउनुभयो । पाइएका सवारीसाधनले पनि चर्को भाडा लिने गरेका उहाँको गुनासो छ । जीपका पाछाडिका सिट हटाएदेखि जीप सञ्चालहरुले मनपरी भाडा लिने गरेका यात्रुहरुले गुनासो गरेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जीपका पछाडिका सिटहरु प्रहरीले हटाएपछि मनपरी भाडा असुल्दै व्यावसायी !

फाइल तस्बिर

तपाईको प्रतिक्रिया