के प्रश्न सोधिएको थियो, जसको जवाफले बनिन् भेनिसा ‘मिस वर्ल्ड २०१८’

मंसिर २४, २०७५ सोमबार १३:६:३७ | उज्यालो सहकर्मी

मिस वर्ल्डको फाईनल राउण्डमा पुगेका प्रतिस्पर्धीलाई एउटा प्रश्न सोधिने गरिन्छ । जुन प्रश्नको जवाफले प्रतिस्पर्धीलाई विजेता बन्न सहयोग गर्छ ।

अघिल्लो वर्षको मिस वर्ल्डको ताज लगाएकी भारतकी सुन्दरी मानुषी छिल्लरलाई सोधेको प्रश्न र उनले दिएको उत्तरले दुनियाँलाई चकित पारेको थियो । प्रश्न थियो, ‘दुनियाँमा सबैभन्दा बढी तलब कसलाई दिनुपर्छ ?’

यसको जवाफ उनले ‘आमा’ भनेकी थिइन् । आमा नै सबैभन्दा बढी तलबको हकदार भएको बताएपछि निर्णायक मण्डली नै तरङ्गीत भएको थियो ।
यो वर्षको मिस वर्ल्डको ताज लगाएकी मेक्सिकोकी सुन्दरी भेनिसा दे लियोनलाई कस्तो प्रश्न सोधिएको थियो ? जसले गर्दा यो वर्षको ताज हात लगाउनमा उनलाई सजिलो भयो ?

फाइनल राउण्डमा भेनिसालाई सोधिएको थियो, ‘मिस वर्ल्ड बनेपछि अरुलाई तपाईंले कसरी सहयोग गर्नुहुन्छ ?’ यसको जवाफ उनले यसरी दिएकी थिइन्, ‘म आफ्नो पदको सदुयोग त्यसरी नै गर्नेछु, जसरी गएको तीन वर्षदेखि गर्दै आएकी छु ।’

उनले भनेकी थिइन्, ‘हामीले सबैको ध्यान दिनुपर्छ । सबैलाई माया गर्नुपर्छ । कसैलाई सहयोग गर्नु कुनै गाह्रो काम होइन । तपाईं बाहिर गएको बेला कोही न कोही भेट्नुहुन्छ, जसलाई तपाईंको सहयोगको आवश्यकता परेको हुन्छ । त्यही भएर म सधैं अरुलाई सहयोग गर्नको लागि तयार रहनेछु ।’

भेनिसा विभिन्न हिंसा पीडित युवतीहरुको बारेमा वकालत गर्ने संस्थामा कार्यरत छिन् । उनले अन्तर्राष्ट्रिय व्यापारमा र मानवअधिकार विषयमा स्नातक गरेकी छिन् । उनी नेनेमी नामको एउटा विद्यालयमा पनि काम गरिरहेकी छिन्, जसले आदिवासी क्षेत्रका बालबालिकालाई अलग–अलग संस्कृतिको शिक्षा दिने गर्दछ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्