भारतीय धनाड्य व्यापारी अम्बानीकी छोरीको विवाहमा बलिउडदेखि हलिउडसम्मका कलाकार

मंसिर २४, २०७५ सोमबार १६:१७:४९ | उज्यालो सहकर्मी

भारतका धनाढ्य व्यापारी मुकेश अम्बानीकी छोरी ईशा अम्बानी र आनन्द पिरामलको विवाह यही डिसेम्बर १२ मा हुँदैछ । विवाह अघि अहिले उदयपुरको होटल उदय विलासमा विवाह अघिका कार्यक्रमहरु भइरहेका छन । जसका लागि भारत तथा विदेशबाट गरी १८ सय कलाकारहरु सहभागी हुँदै छन ।

आइतबार डिसेम्बर ९ मा संगितको कार्यक्रम भएको छ । यस कार्यक्रमको संचालन अभिनेता शाहरुख खानले गरेका थिए भने बलिउडका आमिर खान, ऐश्वर्या र अभिषेक बच्चन, स्वयं शाहरुख खान र गौरी खानले नृत्य प्रस्तुत गरेका थिए ।

साथै अमेरिकी चर्चित पप गायिका वियोन्सेले धमाकेदार प्रस्तुती दिएकी थिइन् । अहिले सामाजिक संजालमा वैवाहिक कार्यक्रममा खिचिएका बलिउड स्टार तथा वियोन्सेका भिडियो तथा तस्विरहरु भाइरल भइरहेका छन ।

वियोन्सेले अम्बानीको संगितिक कार्यक्रममा प्रस्तुती दिए बापत १५ करोड भारतीय रुपैयाँ पारिश्रमिक लिएकी छिन । वियोन्सेले ६० जना डान्सरहरुका साथ प्रस्तुती दिएकी थिइन् ।

मुकेश अम्बानीकी छोरी ईसा अम्बानीको विवाहको कार्यक्रमका लागि वियोन्सेका साथै हिलारी क्लिन्टन समेत भारतको उदयपुर पुगेकी छिन ।

बलिउड फिल्म उद्योगबाट नव विवाहित जोडी प्रियंका चोपडा र निक जोन्सन, दीपिका पादुकोण र रणवीर सिंहका साथै अभिनेत्री रेखा, दीशा पाटनी, करण जोहर, बिद्या वालन, सलमान खान, जोन अब्राहमका साथै क्रिकेटर सचिन तेन्दुलकर उनकी पत्नीका साथ सहभागी भएका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्