रणवीर सिंह भन्छन् : विवाहपछि पनि मेरो व्यक्तित्व पहिलेजस्तै रहन्छ, कुनै परिवर्तन अाउँदैन

पुष १, २०७५ आइतबार १७:५१:५१ | उज्यालो सहकर्मी

बलिउड अभिनेता रणवीर सिंहले अभिनेत्री दीपिका पादुकोणसँग विवाह गरेको धेरै समय भएको छैन ।

रणवीरले विवाहपछि पनि आफ्नो व्यक्तित्वमा कुनै पनि किसिमको परिवर्तन नल्याउने र श्रीमती दीपिकाले समेत कुनै पनि किसिमको परिवर्तन ल्याउने कोशिश नगरुन् भन्ने चाहेको बताएका छन् ।

रणवीरले विवाहका विषयमा भनेका छन, ‘विवाह मेरो लागि सबैभन्दा सुन्दर चिज हो । मलाई अहिले एक किसिमको जादूजस्तै महसुस भइरहेको छ । मैले आफूभित्र एक खालको शक्ति महसुुस गरिरहेको छु । यस्तो लाग्दैछ म अजेय हूं ।’

उनले विवाह गरेर आफू सुरक्षित भएको महसुस भएको पनि बताएका छन् ।

रणवीरले विवाहकै कारण आफ्नो तौर तरिका र व्यक्तित्वमा कुनैपनि परिवर्तन नगरेको बताएका छन् । उनले अगाडि भनेका छन्, ‘म विवाहित भएकै कारण मैले लगाउने पहिरन र मेरो रहनसुनलाई बद्ल्नु पर्छ भन्ने लाग्दैन । यदि यो प्राकृतिक रुपमै हुन्छ भने त्यस कुरालाई म रोक्ने छैन, परिवर्तन हुन दिनेछु ।’

रणवीर सिंह र दीपिका पादुकोणले वर्षौं लामो प्रेम सम्बन्धपछि २०१८ को नोभेम्बर १४ र १५ मा इटालीको लेक कोमोमा विवाह गरेका हुन् ।

दीपिका र रणवीर सिंहको जोडी बलिउड फिल्म उद्योगकै सुपहिट जोडीका रुपमा मानिन्छ । यी दुवैले कैयौं फिल्ममा सँगसँगै काम गरिसकेका छन् ।

उनीहरुले एकसाथ बलिउडका दिग्गज निर्देशक सञ्जय लीला भन्सालीको ३ वटा फिल्ममा काम गरिसकेका छन् भने ति ३ वटै फिल्म ‘रामलीला, बाजीराव मस्तानी, र पद्मावत बक्स अफिसमा सुपरहिट भइसकेका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्