पाँच वर्षदेखि ७७ किलोवाट विद्युत उपयोग भएन

पुष ६, २०७५ शुक्रबार १८:४:१८ | चन्द्र थापा

अछाम – अछामका कतिपय स्थानीय तह र गाउँमा अझै विद्युत पुग्न सकेको छैन ।

कतिपय नागरिकहरु विद्युत नभएर सोलारको प्रयोग गरिरहेका छन । तर मेल्लेख गाउँपालिकाको ऋषीदहमा रहेको कासागाड लघुजलविद्युत आयोजनाबाट उत्पादित विद्युत भने खेर गइरहेको छ ।

मेल्लेखको वडा नम्बर १ र २ ऋषी दहका एक हजारभन्दा बढी घरधुरीका ५ हजार उपभोक्तालाई चौबिसै घण्टा विद्युत उपभोग गरेर पनि विद्युत खेर गइरहेको आयोजनाले जनाएको छ । २०७० सालबाट नियमित रुपमा बलिरहेको ९२ किलोवाट क्षमताको काँसागाड लघुजलविद्युत आयोजनाबाट अहिलेसम्म स्थानीयले १५ किलोवाट विद्युत मात्रै उपभोग गरिरहेका छन ।

बाँकी ७७ किलोवाट विद्युत सदुपयोग हुन नसक्दा खोलामा बगिरहेको आयोजनाका अध्यक्ष अर्जुन धामीले बताउनुभयो । पाँच वर्षदेखि खेर गइरहेको ७७ किलोवाट विद्युत सदुपयोग हुन नसक्दा आयोजना, गाउँवासी र समग्र गाउँपालिकालाई नै घाटा भइरहेको धामीको भनाई छ ।

तत्कालीन अवस्थामा बैकल्पिक उर्जा, संसदीय कोष र विभिन्न संघ–संस्था तथा उपभोक्ताको जनश्रमदानमा कुल १ करोड ४७ लाख लागतमा निर्माण भएको जलविद्युत आयोजनाको व्यवस्थापन कमजोर भएका कारण विद्युत खेर गइरहेको जनाइएको छ । खेर गैरहेको विद्युत सदुपयोगका लागि ठोस योजना नबन्दा सबैलाई घाटा भइरहेको वडा नम्बर २ का अध्यक्ष दानबहादुर बुढाको भनाई छ ।

विद्युतका कारण गाउँमा टुकी र झरो युगको अन्त्य भएको छ भने स्थानीयलाई कम्प्युटर सिक्न, फोटो धुलाउन, फोटोकपीलगायतका इलेक्ट्रोनिक्स काम गर्न निकै सहज भइरहेको छ । तर बढी भएर खेर गएको विद्युत सदुपयोगका लागि कुनै पहल नहुँदा भने स्थानीय निकै चिन्तित छन । स्थानीयस्तरमा कुटानी पिसानी मिल, फर्निचर उद्योग, कागज तथा अल्लो उद्योग सञ्चालन गर्ने गरी विद्युत सदुपयोग गर्न सकिने भएपनि गाउँपालिकाले त्यतातिर खासै चासो दिएको छैन ।

अहिले जुन अवस्थामा छ त्यसैलाई निरन्तरता दिइने र गाउँपालिकामा राष्ट्रिय प्रशारण लाइन जोडिएपछि त्यसको व्यवस्थापन गरिने गाउँपालिका अध्यक्ष लोकबहादुर बोहराले बताउनुभयो । खेर गैरहेको विद्युतलाई अन्धकारमा रहेका अन्य वडाका गाउँबस्तीसम्म वितरण गर्ने गरी गाउँपालिकाले सोचिरहेको अध्यक्ष बोहराको भनाई छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

चन्द्र थापा

अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्