शाहरुखकाे स्टारडम सकिएकै हो ? ‘जीरो’ ले पनि फ्यानहरुलाई बनायाे निराश

पुष ८, २०७५ आइतबार १९:३२:३६ | उज्यालो सहकर्मी

अभिनेता शाहरुख खानको वर्ष २०१८ को एक मात्र फिल्म हो ‘जीरो’ । यस वर्षको प्रदर्शन भएको यस फिल्म मार्फत शाहरुख खान दर्शकहरुको मन जित्न चाहन्थे । तर शाहरुख खानले जति धेरै अपेक्षा राखे पनि उनको त्यो अपेक्षा पूरा हुन सकेन ।

शाहरुख खान, अनुष्का शर्मा र कट्रिनाको अभिनयको जति तारिफ भइरहेको छ, यस फिल्मको कहानीको त्यतिनै आलोचना भइरहेको छ ।

शुक्रबार रिलिज भएको यस फिल्मले पहिलो दिनमा २०.१४ करोडको व्यापार गरेको छ । फिल्म जीरोलाई अभिनेता शाहरुख खानको अहिले सम्मकै सबैभन्दा महंगो फिल्म रहेको बताइएको छ ।

२०० करोड रुपैयाँको लगानीमा बनेको यस फिल्मले प्रदर्शनको दोस्रो दिन भने १८.२२ करोड रुपैयाँको व्यापार गरेको छ । यस अनुसार जीरोले दर्शकलाई फिल्महलतर्फ आकर्षित गर्न असफल भएको छ ।

भारतीय फिल्म समिक्षक तरण आदर्शले यस फिल्मलाई एक असफल फिल्म भन्दै १.५ स्टार मात्रै दिएका छन् । यस फिल्मको नकारात्मक समीक्षाका कारण यसको व्यापारमा गिरावट आएको बताइएको छ ।

यस फिल्मले प्रदर्शनको पहिलो दिन अर्थात शुक्रबार २०.१४ करोड र दोस्रो दिन शनिबार १८.२२ करोडको व्यापार गदै जम्मा ३८.३६ करोडको व्यापार गरेको छ । साथै ‘जीरो’को तेस्रो बक्स अफिस कलेक्सनमा अझै गिराउट आउनसक्ने चर्चा समेत भइरहेको छ ।

फिल्म ‘जीरो’ मा शाहरुख खान एक पुड्का युवकको भूमिकामा छन् । यस कारण पनि शाहरुखको फिल्म ‘जीरो’ अहिलेसम्मकै विशेष फिल्म रहेको बताइएको थियो तर फिल्म प्रदर्शनपछि यस फिल्मले दर्शको मन जित्न भने सकेन ।

यस अघि प्रदर्शन भएका शाहरुख खान अभिनित फिल्म ‘फ्यान’, ‘रइस’ र ‘जब ह्यारी मेट सेजल’ बक्स अफिसमा फ्लप भएका थिए । एकपछि अर्को गर्दै फ्लप फिल्म दिइसकेका शाहरुख खानको पछिल्लो फिल्म ‘जीरो’ ले समेत दर्शकलाई निराश बनाएको हेर्दा यतिबेला ‘के अब शाहरुख खानको स्टारडम सकिएकै हो त ?’ भन्ने विषयमा समेत बलिउडकाे फिल्मी वृत्तमा चर्चा चलिरहेको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

narayan
Dec. 25, 2018, 11:12 a.m.
शाहरुख अभियान भन्दा बढी गुटवाट प्रसिद्धि पाएका कलाकार हुन् / उनमा बिशेषता शुन्य बराबर छ, गुटवाटै पुरस्कृत हुन/
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

शाहरुखकाे स्टारडम सकिएकै हो ? ‘जीरो’ ले पनि फ्यानहरुलाई बनायाे निराश

1 Comments

narayan

तपाईको प्रतिक्रिया

तपाईको प्रतिक्रिया