सुरक्षित आवास गृहबाट २ वर्षमा ९९ जना हिंसा पीडित महिलाले लिए सेवा

पुष ११, २०७५ बुधबार १२:२७:५२ | जयराज अवस्थी

बैतडी – बैतडीमा गएको दुई वर्षको अवधिमा महिला सुरक्षित आवास गृहबाट ९९ जना हिंसा पीडित महिलाले सेवा लिएका छन् ।

विभिन्न किसीमका हिंसामा परेका महिलाहरुलाई सहयोग पुर्याउने उद्देश्यले २०७३ सालदेखि बैतडीको पाटनमा सञ्चालित महिला सुरक्षित आवास गृहमा २०७३ मंसिरदेखि अहिलेसम्म ९९ जना हिंसा पीडित महिलाले सेवा लिएको परोपकार ग्रामिण विकासका संघका अध्यक्ष जानकी अवस्थीले जानकारी दिनुभयो ।

महिला सुरक्षित आवास गृह व्यवस्थापन गरिरहेको संस्था परोपकार ग्रामिण विकास संघको वार्षिक समीक्षा गोष्ठीमा सो कुराको जानकारी दिइएको हो । महिला सुरक्षित आवास गृहमा सेवा लिन आएका महिलामध्ये अधिकांश बहुविवाहका कारण हिंसामा परेको देखिएको छ भने मुख्य कारण बालविवाह रहेको परोपकार ग्रामिण विकास संघका कार्यक्रम संयोजक लोकेन्द्रप्रसाद पन्तले जानकारी दिनुभयो ।

सानो उमेरका विवाह गरेका कारण पुरुषले बहुविवाह गर्ने र त्यसपछि उनीहरुलाई घरमा बस्ने वातावरण नहुँदा हिंसामा पर्ने गरेको संयुक्त राष्ट्रसंघीय जनसंख्या कोषका जिल्ला कार्यक्रम अधिकृत गणेश शाहीले जानकारी दिनुभयो ।

सानो उमेरमा विवाह गरेका पुरुषहरु रोजगारी र पढाईको सिलसिलामा बाहिर जाने र उतैबाट अर्काे बिहे गरेर ल्याएपछि महिलाहरुले दुःख पाउने गरेको उहाँले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्