बैतडीका १५ वडा स्वास्थ्य चौकीविहीन

पुष १४, २०७५ शनिबार ८:४४:४३ | जयराज अवस्थी

बैतडी – नयाँ संरचना अनुसार बैतडी जिल्ला ८४ वटा वडामा विभाजित भएपछि सबै वडामा स्वास्थ्य सेवा पुर्‍याउन कठिन भएको छ ।

बैतडीका १५ वटा वडा अझै पनि स्वास्थ्य चौकीविहीन रहेका छन् । साविकका ६८ वटा गाविसमा स्वास्थ्य संस्था भए पनि बाँकी १५ वटामा स्वास्थ्यसंस्था नभएको जिल्ला अस्पताल बैतडीका डाक्टर जगदीशचन्द्र विष्टले जानकारी दिनुभयो । स्वास्थ्य संस्था नभएका वडामा स्वास्थ्य कार्यक्रम सञ्चालन गर्न समस्या भएको छ ।

नयाँ संरचना अनुसार कुनै वडामा दुईवटा स्वास्थ्य चौकीसमेत परेका छन् भने कुनै वडामा एउटा स्वास्थ्यचौकी छैन् । सरकारले स्वास्थ्यसेवा स्थानीय तहबाटै उपलब्ध गराउने भने पनि सरकारले प्रदान गर्ने निःशुल्क सेवासमेत उपभोग गर्न नपाएको स्थानीय बासिन्दाको गुनासो रहेको छ । नयाँ संरचना अनुसार आफ्नो वडा स्वास्थ्यचौकी नपर्दा वडावासीले अन्यत्रबाट स्वास्थ्य सेवा लिनुपरेको छ ।

यसका साथै हरेक वडामा स्वास्थ्य चौकी नहुँदा बैतडीका केही महिलाहरु घरमै बच्चा जन्माउनसमेत बाध्य भएका छन् । भगौलिक विकटताका कारणले पनि स्वास्थ्य सस्थामा पुग्न नसक्ने र स्वास्थ्य चौकी पायक पर्ने ठाउमा नहुँदा सुत्केरी महिलाहरु घरमै बच्चा जन्माउन बाध्य भएका हुन् ।

जिल्लाका स्वास्थ्य चौकी नभएका बाँकी १५ वडामा पनि स्वास्थ्य चौकी स्थापनाका लागि प्रदेश सरकार र केन्द्र सरकारसँग अनुरोध गरेकोले छिट्टै समस्या समाधान हुने स्वास्थ्य कार्यालय बैतडीका प्रमुख निशा जोशीले बताउनुभयो ।

बैतडीका केही स्थानीय तहले आफैले स्वास्थ्य चौकी निर्माण गरे पनि जिल्लाका धेरैजसो वडाहरु स्वास्थ्य चौकीविहीन रहेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्