‘घर’ निर्माणमा टुट्यो अर्पण र ऋचाको सहकार्य

पुष १६, २०७५ सोमबार १०:४२:४६ | उज्यालो सहकर्मी

निर्देशक तथा अभिनेता अर्पण थापा र अभिनेत्री ऋचा शर्माबीच प्रेम सम्बन्ध रहेको बेला बेलामा चर्चा हुने गरेको छ । उनीहरुले चलचित्रमा पनि सहकार्य गरेर काम गर्दै आएका छन् ।

केही समयअघि चलचित्र ‘घर’ निर्माणको घोषणा गरियो । उक्त चलचित्रको निर्देशन अर्पण थापाले गर्ने पक्का भइसकेको छ । तर यो चलचित्रमा भने ऋचा सहभागी छैनन् । उनी चलचित्र ‘घर’ मा सहभागी नहुनुलाई धेरैले अर्पण र ऋचाको प्रेम सम्बन्धसँग जोडेर हेर्ने गरेका छन् । धेरैले ऋचा चलचित्र ‘घर’ मा सहभागी नहुनुको कारण उनीहरुको ब्रेकअप भएको पनि बताउने गरेका छन् ।

यस विषयमा निर्देशक अभिनेता अर्पण थापाले भने सबै चलचित्रमा सहकार्य गर्नैपर्छ भन्ने नभएको बताए । एउटा चलचित्रमा काम नगर्ने वित्तिकै सहकार्य नै टुट्यो भन्नु पनि गलत भएको उनको भनाइ छ । केही समय अघि मात्र नायिका ऋचा शर्मासँग मिलेरै सुनकेशरी २ बनाउने बताएका अर्पण यतिबेला ऋचाको साथ छाडेर चलचित्र ‘घर’ बनाउन तम्सिएका छन् ।

यस अघि नै निर्देशक अर्पण थापाले मुखौटा, आधा लभ, सुनकेसरी जस्ता चलचित्र निर्देशन गरिसकेका छन् । तर उनले निर्देशन गरेका कुनै पनि चलचित्रले अपेक्षाकृत व्यापार गर्न सकेका छैनन् ।

चलचित्र ‘घर’को कथा लेखन पनि थापा आफैँले गरेका हुन् भने चलचित्रमा उनको अभिनय पनि रहने बताइएको छ । चलचित्र डीएस डिजिटलको ब्यानरमा निर्माण गर्न लागिएको हो । चलचित्रमा निर्देशक समेत रहेका दीपेन्द्र के खनाल, शर्मिला पाण्डे, सन्तोष अधिकारी निर्माताका रुपमा छन् ।

– उज्यालो र गफगाफ डटकमको सहकार्य

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्