घरमै बन्दुकसहितका हातहतियार बनाउने एकजना पक्राउ

पुष २९, २०७५ आइतबार १४:७:१६ | जनार्दन घिमिरे

गुल्मी – जिल्ला प्रहरी कार्यालय गुल्मीले घरमै कारखाना सञ्चालन गरी अवैध रुपमा हातहतियार बनाउने एक व्यक्तिलाई पक्राउ गरेको छ ।

गुल्मी धुर्कोट गाउँपालिका ३ हाडहाडे निवासी ५१ वर्षीय शेरबहादुर जीसीलाई घरमै अवैध रुपमा आरन संचालन गरी भरुवा बन्दुक बनाएको अभियोगमा प्रहरीले पक्राउ गरेको हो ।

जिल्ला प्रहरी कार्यालय गुल्मीले आइतबार जिल्ला प्रहरी कार्यालय तम्घासमा पत्रकार सम्मेलन गरी अवैध रुपमा भरुवा बन्दुक बनाउनका लागि प्रयोग हुने सम्पूर्ण सामग्रीसहित जीसीलाई सार्वजनिक गरेको छ ।

प्रहरीले जीसीको घरबाट बरामद गरेका अवैध सामग्रीहरुमा तीन थान भरुवा बन्दुक, मेड इन कोलकत्ता लेखिएको एकथान टोय एर गन, दुई थान बन्दुकको नाल र बन्दुकको छर्रा बनाउनका लागि प्रयोग हुने ६ पिस रड, बारुद, पटका, केप, बन्दुकको टेगर, कटिङ्ग प्लेट, सटगनको खोका, ब्याट्रि, युरिया र आरन पंखालगायतका सामानहरु रहेको जिल्ला प्रहरी कार्यालय गुल्मीका प्रहरी उपरीक्षक दिपककुमार बस्नेतले बताउनुभयो ।

प्रहरीले विषेश सूचनाको आधारमा अनुसन्धान गर्दै जाँदा इलाका प्रहरी कार्यालय पुर्कोटबाट प्रहरी निरीक्षकको कमाण्डमा खटिएको टोलीले घरमा हतियार बनाउने कारखानासहित जीसीलाई पक्राउ गरेको हो ।

प्रहरीले गएको साता धुर्कोट गाउँपालिका ७ निवासी कृष्ण घर्तीको घरबाट समेत एक नाल भरुवा बन्दुक बरामद गरेको थियो । पक्राउ परेका दुवैजनालाई जिल्ला प्रहरी कार्यालय गुल्मीले हिरासदमा राखी थप अनुसन्धान गरिरहेको बताएको छ ।

गएको साता पनि गुल्मीको इस्मा गाउँपालिकाबाट प्रहरीले बेवारिसे अवस्थामा बोरामा बाधेर लुकाई राखेको अवस्थामा एक नाल भरुवा बन्दुक समेत बरामद गरेको थियो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्