पिपल्ला बजारमा छड्के अनुगमन : ठूलो परिमाणमा अखाद्य बस्तु भेटियो

पुष २९, २०७५ आइतबार १६:१२:३६ | विमल बिष्ट

डोटी – खाद्य प्रविधि तथा गुण नियन्त्रण डिभिजन कार्यालय सिलगढी डोटीले दिपायलको प्रमुख व्यापारी केन्द्र पिपल्ला बजारमा छड्के अनुगमन गरेको छ ।

दिपायलको पिपल्ला बजारमा अखाद्य बस्तु बिक्री वितरण हुन थालेको गुनासो आएपछि कार्यालयका निमित्त प्रमुख नारायणसिंह रावतको संयोजकत्वमा आएको टोलीलेले बजारमा छड्के अनुगमन गरेको हो ।

बजार अनुगमनका क्रममा टोलीले झण्डै तीन÷चार बोरा बिस्कुट, चाउचाउ, दालमठ, मसला आइटम, जुसलगायत अखाद्य बस्तु फेला पारेको अनुगमन समितिले जनाएको छ । केही अखाद्य बस्तुहरुको नमुना संकलन गरी परीणामका लागि पठाइने र त्यसैका आधारमा अन्य कारबाही गरिने अनुगमन समितिका संयोजक तथा खाद्य प्रविधि तथा गुण नियन्त्रण डिभिजन कार्यालय सिलगढीका निमित्त प्रमुख रावतले बताउनुभयो ।

‘अखाद्य बस्तु भेटिएको छ, पहिला परीक्षण गर्छौ’, उहाँले भन्नुभयो, ‘अखाद्य बस्तु बेच्ने सबै कानुनी दायरामा आउने छन् ।’ यसभन्दा पहिला डोटीमा दसैँ र तिहारको समयमा मात्रै अनुगमन हुने गरेको थियो ।

गएको असोज महिनापछि डोटी जिल्लामा खाद्य प्रविधि तथा गुण नियन्त्रण डिभिजन कार्यालय स्थापना भएपछि उक्त कार्यालयले यहाँका प्रमुख व्यापारी केन्द्रमा छड्के अनुगमन गर्न थालेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्