श्यामैडाँडामा खानेपानी: हट्यो पानी लिन मध्यरातमा कुवामा बास बस्नुपर्ने बाध्यता

माघ ५, २०७५ शनिबार १९:६:३२ | अर्जुन श्रेष्ठ

धादिङ - डाँडाको बस्ती, वर्षाैदेखि खानेपानीको समस्या । एक गाग्री पानी थाप्न कुवामा घण्टौँ लाइन । मध्यरातमा आगो बाल्दै पालो कुर्नु पर्दाको त्यो पीडा ।

खानेपानी समस्याको भुमरीमा दुःखको भारीले थिचिएका श्यामैडाँडावासी । तर अहिले गाउँमै खानेपानी आएपछि सन्तुष्टिको लामो सास फेरेका उनीहरुले । उनीहरुको जीवनशैली पनि फेरिँर्दै छ ।

गजुरी गाउँपालिका–६, धादिङकी संगिता चेपाङ घर गाउँमै खानेपानीको सुविधा आएपछि दैनिकी सहज भएको बताउनुहुन्छ । एक गाग्री पानी लिन मध्यरातमा कुवामा आगो बालेर कुर्नुपथ्र्याे ।

उहाँ भन्नुहुन्छ, ‘विगतमा भोगेका समस्या सम्झँदा पनि जीउ सिरिङ्ग हुन्छ । तीतो अतित बिर्सन सकिन्न । खानेपानी ल्याउन ठूलो संघर्ष तथा मेहनत गर्नुपर्‍यो ।

तर खानेपानीको सुविधा भएपछि अहिले गाउँको मुहार फेरिएको छ ।

७३ वर्षीय गोगनबहादुर चेपाङ गाउँमा धारा र धारामा पानी झरेको देख्दा अचम्म लागेको सुनाउनुहुन्छ । गाउँमा खानेपानी ल्याउन दौडधुप गरेको देख्दा पानी आउँछ भनेर विश्वासै नलागेको उहाँको भनाइ छ ।

वर्षाैदेखिको खानेपानी समस्या समाधान भएपछि मेलापात, खेतवारीमा काम तथा घाँस दाउरा गर्न सजिलो भएको छ । उहाँ भन्नुहुन्छ,‘नजिक पानी नहुनु र भएको कुवामा पनि सानो अनि धेरै घरधुरिले खानुपर्ने बाध्यता भएका कारण एकजना त खानेपानी बोक्न नै खटिनु पर्ने समस्या थियो । तर अहिले खानेपानीको समस्या समाधान भएपछि रातारात पानी लिन कुवा धाउनु पर्दैन उहाँले बताउनुभयो ।

हिउँदको समयमा उजाड देखिने श्यामैडाँडा हिजो आज करेसाबारीले हरिया देखिएका छन् । सागपात तथा करेसाबारी नहुने एउटै परिवार भेटिदैनन् । कुपोषणले ग्रसित चेपाङ समुदाय अहिले सन्तुलित खानामा जोड दिन थालेका छन् ।

श्यामैडाडाकै राममायाँ चेपाङ दुःखले गाउँमा खानेपानी ल्याइएकाले थोपा थोपा संकलन गरी घर तथा खेतबारीमा प्रयोग गर्ने गरेको बताउनुहुन्छ ।

पहिले धेरै बालबालिकालाई कुपोषण भएको थियो । तर हिजोआज सबैको करेसाबारीमा हरिया सागपात छन् । खानेकुराको व्यवस्थापन तथा सन्तुलित खानामा जोड दिएका छौ । गाउँको परिवर्तन भएको देख्दा खुषी लागेको बताउनुहुन्छ ।

फियान नेपाल नामक गैर सरकारी संस्था र सत्य साइ सेवा संगठन नामकाे स्थानीय संस्थाले खानेपानी ल्याउनमा सहयोग गरेका हुन् । ९ किलो मिटर टाढाको मुहानबाट पानी ल्याइ खानेपानी समस्याको समाधान भएको छ ।

अहिले श्यामैडाँडाका १ सय ५५ घरधुरीले खानेपानीको सुविधा पाएका छन् । सञ्चार माध्यममा खानेपानीको समस्या रहेका जानकारी पाएपछि सहयोग जुटाएर खानेपानी ल्याइएको श्री सत्य साइ सेवा संगठन नेपालले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन श्रेष्ठ

रेडियो धादिङमा काम गर्ने अर्जुन श्रेष्ठ उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्