कारागार भित्रै थुनुवाले गरे आत्महत्या

माघ १६, २०७५ बुधबार १३:३८:० | उषा तामाङ

दोलखा – जिल्ला अदालतले पूर्पक्षका लागि थुनामा पठाएकै रात एक थुनुवाले कारागार भित्रै आत्महत्या गरेका छन् ।

श्रीमती हत्या आरोपमा मंगलबार पूर्पक्षका लागि थुनामा पठाएका कालिञ्चोक गाउँपालिका वडा नम्बर ५ लापिलाङका २४ वर्षीय च्याङा शेर्पाले कारागारको शौचालयको झ्यालमा झुण्डिएर आत्महत्या गरेका हुन् । झुण्डिनका लागी उनले जुत्ताको लेसको प्रयोग गरेको दोलखाका प्रहरी प्रमुख प्रहरी नायव उपरीक्षक वासुदेव पाठकले जानकारी दिनुभयो ।

मंगलबार साँझ ५ बजे कारागार पुगेका शेर्पा करिब साढे १२ बजे पेट दुख्यो भनि कारागारको भित्री शौचालय गएका थिए । शौचालय गएका शेर्पा १० मिनेटसम्म पनि नफर्किए पछि बाहिरी गेटको माध्यमबाट हेर्दा मृत अवस्थामा फेला परेको जिल्ला कारागार दोलखाका प्रमुख मित्रबन्धु तिवारीले जानकारी दिनुभयो ।

शेर्पाकी श्रीमती लक्की भनिने सर्किनी शेर्पा पुस १६ गते चरिकोटस्थित आफ्नै कोठामा सलको पासो लगाई झुन्डिएको अवस्थामा फेला परेकी थिइन् ।

श्रीमती हत्या गरेको आरोपमा शेर्पालाई दोलखा प्रहरीले पुष २० गते पक्राउ गरेको थियो । पक्राउ पछि २४ दिन प्रहरी हिरासतमा रहेका उनलाई हिजो (मंगलबार) मात्रै दोलखा जिल्ला अदालतले पूर्पक्षका लागि थुनामा पठाएको थियो ।

मृतक शेर्पाको शवलाई पोष्टमार्टमका लागि चरिकोटमा रहेको शव गृहमा राखिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्