अवैधानिक रुपमा विदेश जाने क्रम रोक्नुपर्नेमा जोड

असार ६, २०७५ बुधबार १२:३५:३३

सिन्धुपाल्चोक – सिन्धुपाल्चोकको जुगल गाउँपालिकामा भएको वैदेशिक रोजगारी सम्बन्धी कार्यक्रमका वक्ताले अवैधानिक रुपमा विदेश जाने क्रमलाई रोक्नुपर्नेमा जोड दिएका छन् ।

जुगल गाउँपालिकाको सहयोग तथा आशा नेपालको आयोजनामा वडा नम्बर ५ मा रहेको रत्नराज्य माध्यमिक विद्यालय चनौटेमा गरिएको कार्यक्रममा पछिल्लो समय गाउँपालिकाबाट विदेश जाने बढेसँगै उमेर बढाएर नागरिकता, पासपोर्ट बनाउने र विदेश जाने क्रम बढेको भन्दै यसलाई रोक्नुपर्नेमा जोड दिएका हुन् ।

कार्यक्रमका प्रमुख अतिथी गाउँ पालिकाका उपाध्यक्ष सृजना तामाङले अवैधानिक रुपमा विदेश जाने क्रमलाई रोक्न सबै सचेत हुनुपर्ने भन्दै युवालाई गाउँमै व्यवसाय गर्न हौसला दिने खालका काम गर्ने बताउनुभयो ।

जिल्लाबाट वैदेशिक रोजगारीमा जानेमध्ये जुगल गाउँपालिकाका धेरै छन् । सङ्ख्या धेरै भएसँगै अवैधानिक रुपमा जाने सम्भावना धेरै रहेकाले यहाँ कार्यक्रम गरिएको आयोजकको भनाई छ ।

कार्यक्रममा व्यक्तिगत घटना दर्ता, उमेर बढाएर नागरिकता र पासपोर्ट बनाउँदा हुने असर बारे सामी परियोजनाका संयोजक रीना श्रेष्ठ र रिटर्नी भोलिन्टियर फुलकाजी स्याङ्वोले जानकारी गराउनुभएको थियो । यस्तै वैदेशिक रोजगारमा जाँदा ध्यान दिनु पर्ने कुरा, वैदेशिक रोजगार प्रवद्र्धन वोर्डबाट पाइने सेवा, सीप विकास तालिम, मानव वेचविखन लगायतका विषयमा पनि जानकारी गराइएको थियो ।

विशेष अतिथी अन्तरपार्टी महिला सन्जालका पूर्व अध्यक्ष अमृता नेपालले महत्व तथा औचित्य माथि प्रकाश पार्नुभएका कार्यक्रम आशा नेपालका अध्यक्ष अम्बिका नेपालको अध्यक्षतामा थियो । कार्यक्रममा विद्यार्थी, शिक्षक, महिला स्वयंसेवक, वडाका जनप्रतिनिधि तथा कार्यपालिकाका सदस्य साथै विदेशबाट फर्किएका गरी ६० जना सहभागी थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्