सलमान खानलाई बलिउडमा स्थापित गर्नमा ज्याकी श्रफको महत्वपूर्ण भूमिका

माघ १८, २०७५ शुक्रबार १७:४४:१० | एजेन्सी

बलिउड अभिनेता ज्याकी श्राफको आज ६२औँ जन्मदिन हो । ज्याकी श्रफले बलिउड फिल्म उद्योगमा कैयौँ सुपरहिट फिल्ममा काम गरिसकेका छन् ।

फिल्म ‘हिरो, त्रिदेव, राम लखन, कर्मा जस्ता सुपहहिट फिल्ममा काम गरिसकेका ज्याकी श्राफले बलिउडमा पाइला राखेदेखि कहिल्यै पछाडि फर्केर हेर्नु परेन । उनको पहिलो फिल्म ‘हिरो’ को सफलतासँगै उनले छोटो समयमै दर्शकको मन जित्न सफल भए । आज पनि ज्याकीको मिलनसार व्यवहारका कारण बलिउडका अधिकांश कलाकारहरुसँग उनको सुमधुर सम्बन्ध रहेको छ ।

साथै ज्याकी श्रफ ती अभिनेता हुन् जसले अहिले बलिउडका सुल्तानको रुपमा पहिचान बनाएका सलमान खानलाई पहिलो ब्रेक दिएका थिए । यस कुराको खुलासा कोही अरुले कसैले नभै स्वयम् ज्याकी श्राफले एक अन्तरवार्ताका क्रममा भनेका थिए । ज्याकीले सलमानलाई उनको बाल्यकालदेखि नै चिनेको र अहिले बलिउड उद्योगमा सलमानले प्राप्त गरेको सफलतादेखि निकै खुशी रहेको बताएका थिए । ज्याकीले सलमान खानले उनको पहिलो फिल्म ‘बीबी हो तो ऐसी’ आफ्ना कारण पाएको बताएका थिए ।

यही कारण अभिनेता सलमान खान ज्याकी श्रफको निकै सम्मान गर्छन् । साथै छिट्टै नै सलमान खान र ज्याकी श्राफ फिल्म ‘भारत’ मा एकसाथ देखिनेछन् । खबरहरुका अनुसार ‘भारत’ मा ज्याकी श्रफ सलमान खानका पिताको भूमिकामा देखिनेछन् ।

ज्याकी श्रफको जन्मदिनको अवसरमा उनका छोरा टाइगर श्राफ, अभिनेत्री अनन्या पाण्डे, पूजा भट्टलगायत बलिउडका अन्य कलाकारले सामाजिक सञ्जालमार्फत जन्मदिनको शुभकामना दिएका छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्