मध्यपहाडी लोकमार्गमा पर्ने सुन्दर बजारको समस्या तत्काल समाधान गरेर अघि बढ्नुको विकल्प छैन : मुख्यमन्त्री गुरुङ

माघ १८, २०७५ शुक्रबार १९:१५:४५ | श्यामशितल परियार

लमजुङ - गण्डकी प्रदेशका मुख्यमन्त्री पृथ्वीसुब्बा गुरुङले मध्यपहाडी लोकमार्ग अन्तर्गत पर्ने सुन्दर बजारको समस्या तत्काल समाधान गरेर अघि बढ्नुको विकल्प नरहेको बताउनुभएको छ ।

उहाँले अब पनि कुरा नमिले प्रदेश सरकार र जिल्लास्थित सुरक्षा निकायले आफ्नो कर्तव्य पूरा गर्नुपर्ने अवस्था आउनसक्ने समेत उल्लेख गर्नुभयो ।

लमजुङको सुन्दरबजार नगरपालिका–८ मा रहेको डीडीसी खेलमैदानमा प्रथम भोटेओडार महोत्सवको उद्घाटन गर्दै मुख्यमन्त्री गुरुङले सुन्दर बजार समस्याको बारेमा बताउनुभएको हो ।

‘मैले आयोजना प्रमुख र साइड अफिसरसँग कुरा गरेको छुँ । अझै पनि कुरा नमिले प्रदेश सरकार र जिल्ला सुरक्षा निकायका साथीहरुले आफ्नो कर्तव्य पूरा गर्नुपर्ने अवस्था आउन सक्छ’, उहाँले थप्नुभयो, ‘त्यस्तो अप्रिय स्थिति नहोस् भनी सुन्दरबजारमा मध्यपहाडी लोकमार्गको समस्या समाधान हुनुपर्छ ।’

यसैगरी मध्यपहाडी लोकमार्ग सानो दुःखले आर्जेको लोकमार्ग नभएको बताउँदै उहाँले सुन्दर बजारमा काम हुन नसक्दा प्रतिष्ठा गिर्नसक्ने भनेर दुःख व्यक्त गर्नुभयो ।

‘पाँचथरदेखि बैतडीको झुलाघाटसम्म पुगेर टुंगिने १७ सय ८५ कीमीको मध्यपहाडी लोकमार्गको सुन्दरबजारमा काम हुन सकेको छैन,’ उहाँले भन्नुभयो, ‘यसले प्रतिष्ठा गिराउने काम गरेको छ ।’

यसैगरी, उहाँले मेला महोत्सवले सबै जाति, समुदाय र भाषा/भाषीलाई एकतामा बाँध्न सहयोग पुर्‍याएको बताउनुभयो ।

मुख्यमन्त्री गुरुङले महोत्सवकै अवसरमा पोखरा, लमजुङ र गोरखा माउण्टेन बाइक रुटको उद्घाट्न समेत गर्नुभएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्