बझाङकाे सडकमा पहिरो खस्दा पैदल हिँड्न समेत समस्या (फोटो फिचर)

 असार ७, २०७५ बिहीबार ९:७:३५ | डीबी बिष्ट

 बझाङ - चैनपुर ताक्लाकोट सडक खण्डको तल्कोट गाउँपालिका १ को  बयालधारमा सुख्खा पहिरो खसेपछि यातायात अवरुद्ध भएको छ ।

अप्ठ्यारो ठाउँ भएकाले पैदल हिँड्न समेत मुश्किल परेको छ । सदरमुकाम चैनपुरबाट तल्कोट गाउँपालिकाको रुवातोलासम्म गाडी गुड्ने यस सडकखण्डमा कटानका क्रममा माथिबाट पहिरो खसेपछि सडक बन्द भएको हो । 

तल्कोट गाउँपालिका र साईपाल गाउँपालिकाको एक मात्र सडक खण्डमा यसरी पहिरो खसेपछि आवतजावत गर्न समेत समस्या भएको छ ।

तल सेती नदी र माथि भिर भएको ठाउँमा हिँड्ने समेत बाटो नभएका कारण यात्रुलाई सकस भएको छ ।

 मंगलबार बेलुका डोजरले सडक फराकिलो बनाउने क्रममा ठूला ढुङ्गा सहितको पहिरो खसेपछि मान्छे हिँड्ने बाटो समेत नभएको स्थानीय जोगा धामीले बताउनु भयो । 

जोखिमपूर्ण ठाउँ भएकाले काम गर्न एकदमै असहज भएको सडकका ठेकेदार बिर्खबहादुर थापाले बताउनु  भयो । पहिरो पन्छाउन नसक्दा काम विशेषले हिँडडुल गर्न नपाएको स्थानीयबासिन्दाको भनाई छ ।

तल्कोट गाउँपालिका १ का वडाध्यक्ष गोपाल धामीले गाउँपालिकाको कार्यालयमा महत्वपूर्ण बैठक भएपनि बाटो बन्द भएपछि सहभागी हुन नसकेको बताउनुभयो ।

 ठेकेदार कम्पनीको प्रतिनिधिलाई छिटो बाटो खोल्न भनेको र एक दुई दिनमा नै सडक सञ्चालन हुने उहाँको भनाई छ । 
 

अन्तिम अपडेट: मंसिर १५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका  उज्यालो सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको विजेताले एक करोड ११ लाख रुपैयाँ पुरस्कार पाउने

३

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई